ព័ត៌មានអន្ដរជាតិ

ព្រឹកនេះ កូរ៉េខាងត្បូងនិយាយ«ទេ»ចំពោះពហិការពីកីឡាអូឡាំពិកនៅចិន

បានផុស

២ years មុន

នៅ

ថ្ងៃចន្ទ ១៣ ធ្នូ ២០២១

ដោយ

នៅព្រឹកថ្ងៃចន្ទ ទី១៣ ខែធ្នូ នេះ លោកប្រធានាធិបតីកូរ៉េខាងត្បូងបានច្រានចោលការចូលរួមធ្វើពហិការការទូតជាមួយសហរដ្ឋអាមេរិកពីព្រឹត្តិការណ៍កីឡាអូឡាំពិករដូវរងានៅទីក្រុងប៉េកាំង ដោយលើកហេតុផលពីតម្រូវការទំនាក់ទំនងស្រុះស្រួលគ្នាជាមួយចិន។

កំពុងធ្វើដំណើរទស្សនកិច្ចនៅទីក្រុងកង់បេរ៉ា ប្រទេសអូស្ត្រាលី លោកប្រធានាធិបតី Moon Jae-in មានប្រសាសន៍ថា លោកសូម្បីតែពិចារណាក៏គ្មានដែររឿងធ្វើពហិការការទូតពីកីឡាអូឡាំពិកដើម្បីប្រឆាំងនឹងការរំលោភសិទ្ធិមនុស្សនៅចិនដែលប្រទេសលោកខាងលិចជាច្រើនបានធ្វើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកមានប្រសាសន៍ថា ៖«យើងខ្ញុំមិនទទួលបានសំណើរសុំពីប្រទេសណាមួយឡើយ រាប់ទាំងសហរដ្ឋអាមេរិកដើម្បីធ្វើពហិការការទូត»។

ប្រទេសចិនបានព្រមានសហរដ្ឋអាមេរិក អូស្ត្រាលី ចក្រភពអង់គ្លេស និងកាណាដាដែលពួកគេនឹងត្រូវសងថ្លៃវិះជុំវិញការប្រឆាំងនឹងកីឡាអូឡាំពិក។

ការធ្វើពហិការត្រូវបានជំរុញដោយការរំលោភសិទ្ធិមនុស្សរបស់ចិនប្រឆាំងនឹងជនជាតិមូស្លីមភាគតិច Uyghur នៅទីក្រុង Xinjiang និងការកៀបសង្កត់លទ្ធិប្រជាធិបតេយ្យនៅហុងកុង។

លោកប្រធានាធិបតី Moon បានសង្កត់ធ្ងន់ថា កូរ៉េខាងត្បូងត្រូវការជំរុញតំបន់ប៉ាស៊ីហ្វិកប្រកបដោយសេរី និងបើកចំហរ ប៉ុន្តែក៏ពិចារណាពីតួនាទីរបស់ចិនដែលកំពុងព្យាយាមនាំសន្តិភាពមកកាន់ឧបទ្វីបកូរ៉េ។

«យើងត្រូវការកិច្ចខិតខំប្រឹងប្រែងប្រកបដោយស្ថាបនារបស់ចិនដើម្បីលុបបំបាត់នុយក្លេអ៊ែររបស់កូរ៉េខាងជើង»។ លោកបានបញ្ជាក់ និងបន្ថែមថា ទីក្រុងសេអ៊ួលត្រូវការទំនាក់ទំនងស្រុះស្រួលគ្នាជាមួយទីក្រុងប៉េកាំង៕

ប្រែសម្រួល៖ វីរបុត្រ
ប្រភព៖ AFP

Related Topics:កីឡាអូឡាំពិក