ព័ត៌មានអន្ដរជាតិ
អាល្លឺម៉ង់ថា រុស្ស៊ីនឹងជួបផលវិបាកធំ បើហ៊ានឈ្លានពានអ៊ុយក្រែន
ប្រទេសរុស្ស៊ីនឹងជួបផលវិបាកដ៏ធំ ប្រសិនបើហ៊ានឈ្លានពានប្រទេសអ៊ុយក្រែន។ នេះជាសំដីរបស់រដ្ឋមន្ត្រីក្រសួងការបរទេសថ្មីរបស់ប្រទេសអាល្លឺម៉ង់ លោកស្រី Annalena Baerbock បាននិយាយ បន្ទាប់ពីមានការជជែកគ្នាតាមទូរសព្ទរបស់លោកស្រីជាមួយសមភាគីរុស្ស៊ី។
ក្រសួងការបរទេសអាល្លឺម៉ង់បាននិយាយថា លោកស្រី Baerbock បានអំពាវនាវឲ្យមានកិច្ចសន្ទនាបើកចំហ និងស្មោះត្រង់ជាមួយរុស្ស៊ីជុំវិញវិបត្តិអ៊ុយក្រែនកំឡុងពេលការជជែកតាមទូរសព្ទរបស់លោកស្រីជាមួយរដ្ឋមន្ត្រីក្រសួងការបរទេសរុស្ស៊ីលោក Sergei Lavrov។
ការហៅទូរសព្ទគឺជាការប្រកាសជាសាធារណៈលើកដំបូងអំពីទំនាក់ទំនងរវាងទីក្រុងប៊ែកឡាំង និងមូស្គូ ចាប់តាំងរដ្ឋាភិបាលចម្រុះរបស់លោកអធិការបតីអាល្លឺម៉ង់ Olaf Scholz ចូលកាន់ការងារកាលពីសប្តាហ៍មុន។
ក្រសួងការបរទេសអាល្លឺម៉ង់បានសរសេរនៅលើ Twitter បន្ទាប់ពីកិច្ចសន្ទនាតាមទូរសព្ទថា ៖«យើងត្រូវការសន្ទនាស្មោះត្រង់ និងបើកចំហ។ បូរណភាពទឹកដីរបស់អ៊ុយក្រែនមិនត្រូវបានបំពានឡើយ»។
ក្នុងសន្និសីទសារព័ត៌មានរួមគ្នាជាបន្តបន្ទាប់នៅរដ្ឋធានី Stockholm ជាកន្លែងដែលលោកស្រីបានជួបសមភាគីស៊ុយអែត និងន័រវេស លោកស្រីរដ្ឋមន្ត្រី Baerbock មានប្រសាសន៍ថា ៖«ទម្រង់នៃការឈ្លានពានណាមួយទៅលើអធិបតេយ្យភាពអ៊ុយក្រែននឹងមានផលវិបាកដ៏ធំសម្រាប់សម័យកាលរុស្ស៊ី ជាលក្ខណៈសេដ្ឋកិច្ច និងការទូត»។
ជាមួយគ្នានេះ រដ្ឋមន្ត្រីក្រសួងការបរទេសអាល្លឺម៉ង់ក៏បានអំពាវនាវឲ្យមានវឌ្ឍនភាពត្រូវបានធ្វើឡើងនៅក្នុងកិច្ចសន្ទនាដែលហៅថា ការពិភាក្សាផ្លូវការ ស្តីពីដំណោះស្រាយវិបត្តិអ៊ុយក្រែន។
សេចក្តីថ្លែងការណ៍ពីភាគីនីមួយៗមិនបានលើកឡើងពីគម្រោងបំពងបូម Nord Stream 2 នោះទេដែលផ្តល់ឲ្យរុស្ស៊ីដឹកជញ្ជូនឧស្ម័នធម្មជាតិទៅប្រទេសអាល្លឺម៉ង់ និងឆ្លងកាត់អ៊ុយក្រែន ប៉ុន្តែមិនត្រូវបានបញ្ជាក់ដោយសារតែឧបសគ្គបទប្បញ្ញត្តិ។
ប្រទេសប៉ូឡូញ និងសហរដ្ឋអាមេរិកបានទាមទារឲ្យបញ្ឈប់គម្រោងបំពងបូមដែលរុស្ស៊ីបំពានលើអ៊ុយក្រែន។ រដ្ឋាភិបាលអាល្លឺម៉ង់ថ្មីមិនបានធ្វើការអះអាងជាសាធារណៈដើម្បីរារាំងគម្រោងនេះទេ។
អ៊ុយក្រែនបានចោទរុស្ស៊ីពីការដាក់ពង្រាយកងទ័ពប្រហែល១០ម៉ឺននាក់នៅក្នុងការត្រៀមខ្លួនសម្រាប់ការឈ្លានពានណាមួយដែលអាចកើតមាន និងបង្កការភ័យខ្លាចអាចផ្ទុះជាសង្គ្រាមនៅតំបន់Donbass ភាគខាងកើតអ៊ុយក្រែន៕
ប្រែសម្រួល៖ វីរបុត្រ
ប្រភព៖ reuters
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ម៉ោង agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម