មកដឹងទំហំទឹកប្រាក់សាងសង់ពហុកីឡដ្ឋានជាតិ “មរតកតេជោ” ដែល សម្ដេចតេជោ សម្ពោធព្រឹកនេះ

ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នៅ ព្រឹកថ្ងៃទី១៨ ខែធ្នូ ២០២១ នេះបានអញ្ជើញជាអធិបតីភាពដ៏ខ្ពង់ខ្ពស់បំផុតចូលរួមពិធីសម្ពោធដាក់ឲ្យប្រើប្រាស់ជាផ្លូវការនូវវិមានកីឡាដ្ឋាននៃពហុកីឡដ្ឋានជាតិមរតកតេជោដែលជាជំនួយរបស់ចិន ។

ទន្ទឹមនោះ ពហុកីឡដ្ឋានជាតិមរតកតេជោ នឹងក្លាយជាទីតាំងសំខាន់សម្រាប់រៀបចំការប្រកួតកីឡាស៊ីហ្គេម-អាស៊ាន និងប៉ារ៉ាហ្គេម នៅ ឆ្នាំ ២០២៣ ដែលកម្ពុជានឹងត្រូវធ្វើជាម្ចាស់ផ្ទះ ។

ពហុ​កីឡដ្ឋាន​ដ៏​ធំ​នេះ​ចាប់​ផ្ដើម​សាងសង់​ជា​ដំណាក់កាលៗ ​ចាប់​តាំង​ពី​ឆ្នាំ​២០១៥​ មក​ម្ល៉េះ ក្រោមការគ្រប់គ្រងរបស់ក្រុមហ៊ុនសាជីវកម្មវិស្វកម្មសំណង់រដ្ឋចិន ហើយបានបញ្ចប់ការសាងសង់ ១០០ ភាគរយកាលពីសីហាកន្លងទៅ ។

ចំណែក ទំហំទឹកប្រាក់ចំពោះការសាងសង់ ពហុកីឡដ្ឋានសម្រាប់រៀបចំព្រឹត្តិការណ៍កីឡាស៊ីហ្គេមលើកទី ៣២ មួយនេះ ត្រូវបានគេហទំព័រចិន South China Morning Post (SCMP) បង្ហាញឲ្យដឹងថា ចំណាយប្រមាណ ១៦០ លានដុល្លារអាមេរិក ៕

ប្រែសម្រួលដោយ ៖ ជីវ័ន្ត

ប្រភព ៖ SCMP

ចុចអាន ៖ មកដឹងតម្លៃសំបុត្រជិះរថភ្លើងរត់លើផ្លូវដែក ចិន-ឡាវ