មិនដល់ ១០ នាទីផង ឡាវ ជួបគ្រោះរញ្ជួយដីខ្លាំងក្លា ២ ដង

ប្រទេសឡាវបានរាយការណ៍ពីការរញ្ជួយដីចំនួន ២ ក្នុងរយៈពេល ២៤ ម៉ោងចុងក្រោយចន្លោះម៉ោង ៤ និង ០៦ នាទី និងម៉ោង ៤ និង ១២ នាទីព្រឹកនៅ ក្នុងខេត្ត Xayaboury ។

នៅ វេលាម៉ោង ៤ និង ០៦ នាទីព្រឹកថ្ងៃចន្ទនេះ មានការរញ្ជួយដីមួយកម្រិត ៣.៥ រ៉ិចទ័រ និងមានជម្រៅ ប្រហែល ១០ គីឡូម៉ែត្របានកើតឡើងនៅ ជិតភូមិ Sala ស្រុក Saysathan ខេត្ត Xayaboury ។

ក្រោយមកនៅ វេលាម៉ោង ០៤ និង ១២ នាទីព្រឹកថ្ងៃដដែល ការរញ្ជួយដីមួយទៀតកម្រិត ៥.៨ រ៉ិចទ័រ និងមានជម្រៅ ប្រហែល ១០ គីឡូម៉ែត្របានវាយប្រហារនៅ ចម្ងាយប្រហែល ៤ គីឡូម៉ែត្រពីភូមិ Houaysalad ស្រុក Saysathan ខេត្ត Xayaboury ដដែល ។

គួរបញ្ជាក់ថា ការរញ្ជួយដីទាំងពីរនេះបានវាយប្រហារនៅ ឆ្ងាយពីតំបន់ដែលមានប្រជាជនរស់នៅ ដោយមិនមានការកត់ត្រាការខូចខាតធ្ងន់ធ្ងរណាមួយឡើយ ៕

ប្រែសម្រួលដោយ ៖ ជីវ័ន្ត

ប្រភព ៖ Laotian Times

ចុចអាន ៖ មកដឹងតម្លៃសំបុត្រជិះរថភ្លើងរត់លើផ្លូវដែក ចិន-ឡាវ