រុស្ស៊ី និងអ៊ុយក្រែនបានយល់ព្រមលើបទឈប់បាញ់គ្នាដែលបានដាក់នៅឆ្នាំ ២០២០ ខណៈកិច្ចព្រមព្រៀងនេះត្រូវបានសម្របសម្រួលដោយអង្គការសន្តិសុខ និងសហប្រតិបត្តិការនៅអឺរ៉ុប (OSCE) ប៉ុន្តែក្រសួងការពារជាតិនៅទីក្រុងមូស្គូបាននិយាយថា ខ្លួននៅតែធ្វើសមយុទ្ធយោធានៅក្នុងតំបន់កាលពីថ្ងៃព្រហស្បតិ៍ និងថ្ងៃសុក្រនេះ ។

ទន្ទឹមនោះ អ្នកនយោបាយជាន់ខ្ពស់អ៊ុយក្រែនក៏បានសរសើរកិច្ចព្រមព្រៀងនេះផងងដែរ ហើយបានពណ៌នាថា វាជាជំហានដ៏សំខាន់មួយឆ្ពោះទៅរកការកាត់បន្ថយភាពតានតឹងដែលកំពុងកើនឡើងនៅភាគខាងកើតអ៊ុយក្រែន ។

កន្លងមកអ៊ុយក្រែនបានចោទប្រកាន់រុស្ស៊ីពីការបញ្ជូនទាហាន ១០០,០០០ នាក់ទៅកាន់ព្រំដែននៅក្នុងអ្វីដែលខ្លួនបានព្រមានថាអាចជាការចាប់ផ្តើមនៃ “ការឈ្លានពានរដូវរងា” ។ ប៉ុន្តែមន្ត្រីរុស្ស៊ីបានបដិសេធយ៉ាងម៉ឺងម៉ាត់ចំពោះរឿងនេះ បើទោះបីជានៅតែបន្តធ្វើសមយុទ្ធនៅក្នុងតំបន់ក៏ដោយ ។

គួរបញ្ជាក់ថា កិច្ចព្រមព្រៀងឈប់បាញ់ជាច្រើនត្រូវបានប្រកាស ប៉ុន្តែនៅទីបំផុតបានដួលរលំ ។ កិច្ចព្រមព្រៀងក្នុងខែកក្កដាឆ្នាំ ២០២០ បាននាំមកនូវការពន្យាពេលខ្លះ ប៉ុន្តែការប៉ះទង្គិចគ្នានៅតែបន្ត ខណៈដែលចំនួនអ្នកស្លាប់សរុបសម្រាប់ជម្លោះបានកើនឡើងដល់ ១៣,០០០ នាក់ហើយ ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ ប្រទេសលោកខាងលិចព្រមាន រុស្ស៊ី អំពី “ការចំណាយធ្ងន់ធ្ងរ” ក្នុងករណីឈ្លានពាន អ៊ុយក្រែន