អ៊ីរ៉ង់ ចាប់ខ្លួនមនុស្សមួយចំនួនពាក់ព័ន្ធការធ្វើឃាតអ្នកវិទ្យាសាស្ត្រនុយក្លេអ៊ែរ

ទីប្រឹក្សាប្រធានសភាអ៊ីរ៉ង់បាននិយាយកាលពីថ្ងៃអង្គារថា សេវាសន្តិសុខអ៊ីរ៉ង់បានកំណត់អត្តសញ្ញាណនិងចាប់ខ្លួនមនុស្សមួយចំនួនដែលពាក់ព័ន្ធនឹងការធ្វើឃាតអ្នកវិទ្យាសាស្ត្រនុយក្លេអ៊ែរកំពូលរបស់ខ្លួននាពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីប្រឹក្សាឈ្មោះ Hossein Amir-Abdollahian ត្រូវបានដកស្រង់សម្តីដោយទីភ្នាក់ងារសារព័ត៌មាន ISNA ដែលបាននិយាយថា “ជនល្មើសនៃការធ្វើឃាតនេះនឹងមិនអាចរត់គេចពីសំណាញ់ច្បាប់បានទេ”។

អ្នកវិទ្យាសាស្ត្រនុយក្លេអ៊ែរអ៊ីរ៉ង់លោក Mohsen Fakhrizadeh បានស្លាប់ដោយសាររបួសធ្ងន់នៅក្នុងមន្ទីរពេទ្យកាលពីថ្ងៃទី២៧ខែវិច្ឆិកាបន្ទាប់ពីការវាយប្រហារដោយអាវុធលើរថយន្តរបស់គាត់នៅក្នុងសង្កាត់ Absard ចម្ងាយ៦០គីឡូម៉ែត្រភាគឦសានរដ្ឋធានី តេអេរ៉ង់។

អ្នកនាំពាក្យឆ្មាំបដិវត្តឥស្លាមអ៊ីរ៉ង់លោក Ramezan Sharif បានប្រកាសកាលពីថ្ងៃអាទិត្យថា ឧបករណ៍បញ្ជាដោយផ្កាយរណបត្រូវបានប្រើក្នុងការធ្វើឃាតលោក Fakhrizadeh។

អ៊ីរ៉ង់បានចោទប្រកាន់ប្រទេសអ៊ីស្រាអែលថាជាអ្នកនៅពីក្រោយការធ្វើឃាតនេះ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ អ៊ីរ៉ង់ចោទថា អាមេរិករារាំងខ្លួនមិនឲ្យទិញវ៉ាក់សាំងកូវីដ

ចុចអាន៖ “ពិភពលោកគួរតែអរគុណអ៊ីស្រាអែលចំពោះការសម្លាប់អ្នកវិទ្យាសាស្ត្រនុយក្លេអ៊ែរអ៊ីរ៉ង់”