ព័ត៌មានអន្ដរជាតិ

ថៃរកឃើញជំងឺប៉េស្តជ្រូកអាហ្វ្រិក ASF មួយករណី

បានផុស

៤ years មុន

នៅ

ថ្ងៃពុធ ១២ មករា ២០២២

ដោយ

នាយកដ្ឋានអភិវឌ្ឍបសុសត្វ (DLD) របស់ប្រទេសថៃបានរកឃើញករណីជំងឺប៉េស្តជ្រូកអាហ្វ្រិក (ASF) នៅទីសត្វឃាតក្នុងខេត្តណាខុនផាថុមដែលសំណាកតេស្តឈាមបានយកនៅដើមខែមករានេះ ប៉ុន្តែជំរុញឲ្យសាធារណៈកុំភ័យស្លន់ស្លោ ពីព្រោះជំងឺនេះមិនឆ្លងទៅមនុស្សឡើយ។

ប្រធាន DLD លោក Sorawit Thanito បាននិយាយកាលពីថ្ងៃអង្គារ៍ថា នាយករដ្ឋានយល់ពីកង្វល់របស់ប្រជាជនអំពីលទ្ធភាពដែលអាចផ្ទុះចូលទៅក្នុងកសិដ្ឋានចិញ្ចឹមជ្រូកក្នុងស្រុក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា ៖«អ្វីគ្រប់យ៉ាងត្រូវបានអនុវត្តអនុលោមតាមគោលការណ៍ចម្បង និងស្តង់ដារអន្តរជាតិដើម្បីទទួលបានព័ត៌មានគ្រប់ជ្រុងជ្រោយមុនពេលលទ្ធផលត្រូវបង្ហាញជាសាធារណៈ»។

លោកបន្តថា ក្រុមការងារពិសេសត្រូវបានបញ្ជូនទៅប្រមូលសំណាកឈាម៣០៥ពីកសិដ្ឋានចំនួន១០ និងសំណាក៤ពីទីសត្វឃាត២នៅខេត្ត រជ្ជបុរី និង ណាខុនផាថុមកាលពីចុងសប្តាហ៍នេះ។ សំណាកឈាមទាំងអស់ត្រូវបានបញ្ជូនទៅមន្ទីរពិសោធរបស់វិទ្យាស្ថានសុខភាពសត្វជាតិដើម្បីធ្វើតេស្ត។

«ក្នុងចំណោមសំណាកឈាម៣០៩ មានករណីមួយពីទីសត្វឃាតក្នុងខេត្ត ណាខុនផាថុម ត្រូវបានរកឃើញឆ្លងជំងឺប៉េស្តជ្រូកអាហ្វ្រិ»។ លោក Sorawit បានបញ្ជាក់។

នាយកដ្ឋានអភិវឌ្ឍបសុសត្វថៃបានរងសម្ពាធពីសាធារណៈក្នុងរយៈពេលប៉ុន្មានថ្ងៃចុងក្រោយនេះដើម្បីឲ្យបញ្ជាក់ថាតើប្រទេសជាតិកំពុងប្រឈមនឹងការផ្ទុះជំងឺជ្រូក ASF ឬយ៉ាងណា៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា