ព័ត៌មានអន្ដរជាតិ
ព្រះអង្គម្ចាស់ Andrew អស់តួនាទីយោធា និងរាជវង្ស ព្រោះរឿងអាស្រូវផ្លូវភេទ
ព្រះមហាក្សត្រិយ៍បានព្យាយាមធ្វើឲ្យព្រះរាជវង្សឃ្លាតឆ្ងាយពីព្រះអង្គម្ចាស់ Duke of York ដែលត្រូវបានដកតួនាទីផ្នែកយោធា និងការឧបត្ថម្ភពីព្រះរាជវាំង ដោយសារព្រះអង្គជាប់ពាក់ព័ន្ធនឹងអាស្រូវផ្លូវភេទកំពុងបន្ត។
នៅក្នុងការវាយប្រហារលើព្រះអង្គម្ចាស់ Andrew ដែលបានប្រសូត្រមកទទួលបានមុខងាជាព្រះអង្គម្ចាស់ ដែលព្រះរាជវាំង Buckingham ក៏បាននិយាយថា ព្រះអង្គលែងប្រើមុខងាព្រះអង្គម្ចាស់ជាផ្លូវការណាមួយទៀតហើយ។
ចំណាត់ការនេះមានន័យថា ព្រះអង្គម្ចាស់ Andrew ត្រូវបានដកចេញទាំងស្រុងពីជីវិតរាជវង្ស ដោយសារព្រះអង្គត្រៀមខ្លួនប្រយុទ្ធនឹងពាក្យបណ្តឹងរដ្ឋប្បវេណីដែលប្តឹងដោយស្ត្រីឈ្មោះ Virginia Giuffre បន្ទាប់ពីចៅក្រមអាមេរិកបានបដិសេធការប៉ុនប៉ងរបស់ព្រះអង្គដើម្បីឲ្យរឿងក្តីប្រឆាំងព្រះអង្គត្រូវបានទម្លាក់ចោល។
លោក Norman Baker អ្នកអត្ថាធិប្បាយអំពីបញ្ហារាជវង្ស និងជាអតីតរដ្ឋមន្ត្រីក្រសួងដឹកជញ្ជូនអង់គ្លេសបាននិយាយថា ព្រះអង្គម្ចាស់ពិតជាត្រូវបានគេចាប់នៅក្រោមរថយន្តក្រុងរាជវាំង ប៉ុន្តែរាជវង្សមិនអាចគេចផុតពីការខូចខាតនោះទេ។
ព្រះរាជវាំង Buckingham បាននិយាយក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា ៖«ដោយមានការអនុម័ត និងឯកភាពរបស់ព្រះមហាក្សត្រិយ៍ តួនាទីទាហាន និងការឧបត្ថម្ភរបស់ព្រះអង្គម្ចាស់ Duke of York ត្រូវបានថ្វាយទៅព្រះមហាក្សត្រិយ៍។ ព្រះអង្គម្ចាស់ Duke of York នឹងបន្តកាតព្វកិច្ចសាធារណៈណាមួយ និងការពាររឿងក្តីក្នុងនាមជាពលរដ្ឋឯកជនម្នាក់។
សេចក្តីថ្លែងការណ៍របស់ព្រះរាជវាំងមិនបាននិយាយថា តួនាទីព្រះអង្គម្ចាស់ត្រូវបានដកហូតទេ ប៉ុន្តែបញ្ជាក់ថា លែងប្រើតួនាទីជា«ព្រះអង្គម្ចាស់»ផ្លូវការណាមួយទៀតហើយ។
ការសម្រេចចិត្តដកយកតួនាទីយោធា និងការឧបត្ថម្ភពីព្រះរាជវាំងរបស់ព្រះអង្គម្ចាស់ត្រូវបានពិភាក្សាយ៉ាងទូលំទូលាយក្នុងចំណោមសមាជិកព្រះរាជវង្សជាន់ខ្ពស់ ក្នុងនោះមានដូចជាព្រះអង្គម្ចាស់វែល Charles និងព្រះអង្គម្ចាស់ William ជាដើម។
តួនាទីរបស់ព្រះអង្គម្ចាស់ត្រូវថ្វាយព្រះមហាក្សត្រិយ៍វិញដែលមានប្រសិទ្ធភាពជាបន្ទាន់សម្រាប់ការរឹតត្បិតទៅសមាជិកព្រះរាជវង្សផ្សេងទៀត។ ប្រភពបានសង្កត់ធ្ងន់ថា តួនាទីទាំងនោះនឹងមិនប្រគល់ឲ្យព្រះអង្គម្ចាស់ Andrew វិញទេ។
រឿងរ៉ាវរំជើបរំជួលបានកើតឡើងប៉ុន្មានម៉ោង បន្ទាប់ពីទាហានជើងចាស់ជាង១៥០នាក់បានសរសេរលិខិតថ្វាយព្រះមហាក្សត្រិយ៍ឲ្យដកតួនាទីទាហានពីព្រះអង្គម្ចាស់ Andrew ដោយសារពួកគាត់និយាយថា មានការខូចចិត្ត និងកំហឹង។
ស្ត្រីឈ្មោះ Giuffre ឥឡូវអាយុ៣៨ឆ្នាំបាននិយាយថា នាងត្រូវបានបង្ខំឲ្យរួមភេទជាមួយព្រះអង្គម្ចាស់តាំងពីអាយុ១៧ឆ្នាំ៕
ប្រែសម្រួល៖ វីរបុត្រ
ប្រភព៖ theguardian
-
សេចក្ដីជូនដំណឹង១ សប្តាហ៍ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៦ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ១ ថ្ងៃ agoឥណ្ឌា តវ៉ាយ៉ាងខ្លាំង ចំពោះអាមេរិកដែលវាយប្រហារនាវាដឹកប្រេងបណ្តាលនាវិកឥណ្ឌា ៣នាក់ស្លាប់
-
ព័ត៌មានជាតិ១ សប្តាហ៍ agoកម្ពុជា ថោ្កលទោសយោធាថៃយ៉ាងខ្លាំងក្លាដែលដុតបំផ្លាញជណ្តើរឡើងប្រាសាទខ្នារ ទីតាំងបេតិកភណ្ឌវប្បធម៌
-
សន្តិសុខសង្គម៧ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៣ ថ្ងៃ agoអាមេរិក បើកការវាយប្រហារអ៊ីរ៉ង់ ថ្មីទៀត ដើម្បីសងសឹក ចំពោះការធ្លាក់ឧទ្ធម្ភាគចក្រ Apache
-
ព័ត៌មានអន្ដរជាតិ២ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត