អាណត្តិកាន់តែជិតផុត ត្រាំ បញ្ជាឲ្យប្រហារជីវិតអ្នកទោសជាហូរហែ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

អាណត្តិកាន់តែជិតផុត ត្រាំ បញ្ជាឲ្យប្រហារជីវិតអ្នកទោសជាហូរហែ

Published

on

ខណៈដែលពេលវេលាកាន់តំណែងនៅសេតវិមានរបស់លោក ដូណាល់ ត្រាំ ជិតដល់ទីបញ្ចប់ រដ្ឋបាលរបស់គាត់កំពុងប្រញាប់ប្រញាលបញ្ជាឲ្យប្រហារជីវិតលើអ្នកទោស ។

ការប្រហារជីវិតចំនួន ៥ ត្រូវបានគ្រោងទុកមុនការឡើងកាន់តំណែងថ្ងៃទី ២០ ខែមករា ឆ្នាំ ២០២១ របស់ប្រធានាធិបតីជាប់ឆ្នោតលោក ចូ បៃដិន ដែលជម្រុញឲ្យមានការប្រហារជីវិតមិនធ្លាប់មានពីមុនមកក្នុងរយៈពេល ១៣០ ឆ្នាំ ចំពេលមានការផ្លាស់ប្តូរប្រធានាធិបតី ។

ហើយប្រសិនបើការប្រហារជីវិតអ្នកទោសទាំង ៥ កើតឡើងមែននោះ ត្រាំ នឹងក្លាយជាប្រធានាធិបតីប្រហារជីវិតអ្នកទោសច្រើនបំផុតរបស់ប្រទេសក្នុងរយៈពេលជាងមួយសតវត្សរ៍ចុងក្រោយដែលដាក់ការប្រហារជីវិតអ្នកទោសចំនួន ១៣ នាក់ចាប់តាំងពីខែកក្កដាឆ្នាំនេះ ។

ការប្រហារជីវិតទាំង ៥ នាក់នឹងត្រូវចាប់ផ្តើមនៅសប្តាហ៍នេះដោយចាប់ផ្តើមពីអ្នកទោស Brandon Bernard អាយុ ៤០ ឆ្នាំ និង Alfred Bourgeois អាយុ ៥៦ ឆ្នាំ ។ ពួកគេទាំងពីរត្រូវបានគេគ្រោងនឹងសម្លាប់នៅឯពន្ធនាគារនៅទីក្រុង Terre Haute រដ្ឋ Indiana ។

អគ្គមេធាវីលោក William Barr បាននិយាយថា នាយកដ្ឋានយុត្តិធម៌របស់លោកគ្រាន់តែគាំទ្រច្បាប់ដែលមានស្រាប់ប៉ុណ្ណោះ ។ ប៉ុន្តែក្រុមអ្នករិះគន់បាននិយាយថា ព្រឹត្តិការណ៍នេះគឺទាក់ទងនឹងប៉ុន្មានសប្តាហ៍ មុនពេលដែលលោក Biden ដែលបាននិយាយថា លោកនឹងស្វះស្វែងដើម្បីបញ្ចប់ទោសប្រហារជីវិត ។

ចំណែកលោក Ngozi Ndulue ប្រធានស្រាវជ្រាវនៃមជ្ឈមណ្ឌលព័ត៌មានអំពីការកាត់ទោសប្រហារជីវិតបាននិយាយថា “វាពិតជាស្ថិតនៅខាងក្រៅបទដ្ឋាន ហើយជាវិធីមួយដែលអាក្រក់បំផុត” ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ កប៉ាល់ដឹកទំនិញជួបព្យុះ ចាក់ចោលកុងតឺន័រចូលសមុទ្រ​ ខាតបង់ធំបំផុតក្នុងប្រវត្តិសាស្រ្ត (មានវីដេអូ)

ចុចអាន ៖ កាណាដា ក្លាយជាប្រទេសទី២ដែលយល់ព្រមឲ្យប្រើប្រាស់វ៉ាក់សាំងរបស់ក្រុមហ៊ុន Pfizer / BioNTech

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services