ព័ត៌មានអន្ដរជាតិ
របាយការណ៍៖ ចិន បង្ខំជនជាតិរបស់ខ្លួនជិត ១ម៉ឺននាក់ ឲ្យត្រឡប់ទៅប្រទេសវិញ
ចាប់តាំងពីឆ្នាំ២០១៤មក អាជ្ញាធរចិនបានបង្ខំជនជាតិរបស់ខ្លួនជិត១ម៉ឺននាក់ ឲ្យត្រឡប់ទៅប្រទេសចិនវិញ។ ប្រព័ន្ធតុលាការរបស់ប្រទេសនេះនិយាយថា ពួកគេគឺជាមុខសញ្ញាក្នុងកិច្ចខិតខំប្រឹងប្រែងប្រឆាំងអំពើពុករលួយរបស់លោកប្រធានាធិបតី Xi Jinping។
ប៉ុន្តែអង្គការ Safeguard Defenders ដែលមានមូលដ្ឋាននៅប្រទេសអេស្ប៉ាញបាននិយាយថា ក្នុងប្រទេសចិន មានករណីដែលអាជ្ញាធរបៀតបៀននិងឃុំខ្លួនសមាជិកគ្រួសារអ្នកនៅបរទេស ដើម្បីសម្លុតពួកគេឲ្យត្រឡប់មកវិញ។ ពេលខ្លះ ជនជាតិចិនត្រូវបានលួងលោមឲ្យចូលទៅក្នុងប្រទេសនានា ដែលមានកិច្ចព្រមព្រៀងធ្វើបត្យាប័នជាមួយចិន។
យោងតាមរបាយការណ៍មួយរបស់អង្គការ Safeguard Defenders បានបង្ហាញថា រដ្ឋាភិបាលចិនឥឡូវនេះមានការលើកទឹកចិត្តច្រើនជាងពេលណាៗទាំងអស់ ក្នុងការពង្រីកអំណាចកម្លាំងសន្តិសុខរបស់ខ្លួននៅបរទេស។ នេះគឺដោយសារតែមានមនុស្សកាន់តែច្រើន កំពុងព្យាយាមចាកចេញពីប្រទេស។
ប្រទេសចិនត្រូវបានចោទប្រកាន់ពីបទចាប់ជំរិតជនបរទេសដូចជា Gui Minhai ដែលគេសង្ស័យថាបានចាប់ពង្រត់ពីប្រទេសថៃ មុនពេលជាប់ឃុំឃាំងនៅប្រទេសចិនក្នុងឆ្នាំ ២០១៥។ មហាសេដ្ឋីចិនម្នាក់ ក៏បានបាត់ខ្លួននៅក្នុងទីក្រុងហុងកុង នៅពីរឆ្នាំក្រោយផងដែរ ហើយត្រូវបានគេជឿថា ស្ថិតនៅក្នុងការឃុំឃាំងរបស់ចិន ដល់សព្វថ្ងៃនេះ។
អង្គការ Safeguard Defenders បញ្ជាក់ថា ប្រទេសចិនបានធ្វើសកម្មភាពខុសច្បាប់នៅក្នុងប្រទេសផ្សេងទៀត ហើយតួលេខ ១០,០០០នាក់ចាប់តាំងពីឆ្នាំ២០១៤មកនេះ អាចជាចំនួនត្រឹមតែមួយភាគប៉ុណ្ណោះ។ ក្នុងរយៈពេលពីរឆ្នាំកន្លងមកនេះ ចំនួនជនជាតិចិនដែលត្រូវបង្ខំឲ្យត្រឡប់ទៅវិញមានប្រហែល ២,៥០០នាក់៕
ប្រែសម្រួល៖ Vann Vann
ប្រភព៖ Thaiger
ចុចអាន៖ ចិន ប្រាប់ឲ្យកាត់បន្ថយការទិញទំនិញពីបរទេស ប្រយ័ត្នឆ្លងកូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ