ទារកចម្លែក កើតមកមាន ដៃ៤ ជើង៤ អ្នកស្រុកជឿថាជា ព្រះចាប់ជាតិ

ទារកដែលកើតមកមានដៃបួន ជើងបួន ត្រូវបានអ្នកស្រុកនាំគ្នាមកគោរព ដោយជឿថា កុមារគឺជា ព្រះចាប់ជាតិ។

ហ្វូងមនុស្សបាននាំគ្នាទៅមើលទារក និងសួរសុខទុក្ខម្តាយនៅមន្ទីរពេទ្យ Sadar ភាគខាងកើតប្រទេសឥណ្ឌា ចាប់តាំងពីគាត់សម្រាលកូនកាលពីថ្ងៃអង្គារទី១៧ខែមករា។

កុមារម្នាក់នេះ ​មិនត្រូវបានគេប្រាប់ឲ្យដឹងអំពី​ភេទនោះទេ ហើយ​បាន​បង្កភាព​ល្បីល្បាញនៅ​ក្នុង​ស្រុកដោយសារតែ​រូបរាង​ចម្លែក និង​អវយវៈលើសពីធម្មតា។

កុមាររូបនេះ អាចត្រូវបានគេឃើញដេកនៅក្នុងកន្ត្រកដែលពោរពេញដោយក្រណាត់ចម្រុះពណ៌ ដាក់នៅលើភ្លៅរបស់ម្តាយ ខណៈនាងអង្គុយលើគ្រែមន្ទីរពេទ្យ។

ថ្វីត្បិតតែមនុស្សជាច្រើនជឿថា ស្ថានភាពរបស់កុមារគឺជាប់ទាក់ទងនឹងសាសនាក៏ដោយ ប៉ុន្តែគ្រូពេទ្យបានបញ្ជាក់ថា ភាពមិនប្រក្រតីពីកំណើតបែបនេះ គឺដោយសារតែបញ្ហាអំឡុងពេលមានផ្ទៃពោះ៕

ប្រែសម្រួល៖ Vann Vann

ប្រភព៖ Daily Star