Connect with us

ព័ត៌មានអន្ដរជាតិ

វ៉ាក់​សាំង​ដូស​ទី​៤ជួយ​មនុស្ស​អាយុ​៦០​ឆ្នាំ​ឡើង​ធន់​នឹង​ឈឺ​ធ្ងន់ខ្លាំង

បានផុស

នៅ

ក្រសួង​សុខាភិបាល​ប្រទេស​អ៉ីស្រាអែល​បាន​និយាយ​កាល​ពី​ថ្ងៃ​អាទិត្យ​ថា វ៉ាក់សាំង​បង្ការ​កូវីដ-១៩​ដូស​ទី​៤​បាន​ផ្តល់​ឲ្យ​មនុស្ស​ចាស់​អាយុ​៦០​ឆ្នាំ​​ឡើង​មានភាព​​ធន់​នឹង​ការ​​ឈឺ​ធ្ងន់​ធ្ងរ​ខ្លាំង​ជាង​​អ្នក​ចាក់​៣​ដូស​​ក្រុម​អាយុដូច​គ្នាដល់​ទី​៣​ដង​ឯណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រសួង​ក៏​បាន​និយាយ​ដែរ​ថា ​ដូស​ទី​៤ ឬ​ដូស​បន្ថែម​ទី​២​បាន​ធ្វើ​ឲ្យ​មនុស្ស​អាយុ​​៦០​ឆ្នាំ​ឡើង​ក៏​មាន​ភាព​រឹង​មាំ​​ពី​ការ​ឆ្លង​ជាង​​​អ្នក​ចាក់​៣​ដូស​​ដែល​មាន​អាយុ​ដូច​គ្នា។

ការ​សិក្សា​បឋម​ចេញ​ផ្សាយ​នៅ​មជ្ឈមណ្ឌល​វេជ្ជសាស្ត្រ Sheba របស់​អ៉ីស្រាអែល​​កាល​ពី​ថ្ងៃ​ចន្ទ​មុន​រក​ឃើញ​ថា ដូស​ទី​៤​បង្កើន​អង់ទីគ័រ​ខ្ពស់​ជាង​ដូស​ទី​៣ ប៉ុន្តែ​ប្រហែល​ជា​​មិន​អាច​ការពារ​វីរុរស​បំប្លែង​ខ្លួន Omicron បាន​ទាំង​ស្រុង​នោះ​ទេ។

អ៉ីស្រាអែល​បាន​ចាប់​ផ្តើម​ចាក់​ដូស​ទី​៤​នៃ​វ៉ាក់សាំង Pfizer/BioNtech ដល់​ប្រជា​ជន​ដែល​មាន​​អាយុ​៦០​ឆ្នាំ​ឡើង​តាំង​ពី​ដើម​ខែ​មករា​នេះ ស្រប​ពេល​ដែល​វីរុស Omicron រាត​ត្បាត​ក្នុង​ប្រទេស​ខ្លាំង។

ក្រសួងសុខាភិបាល​បាន​និយាយ​កាល​ពី​ថ្ងៃ​អាទិត្យ​ថា ការ​សិក្សា​ដែល​ខ្លួន​បាន​ធ្វើ​ដោយ​សហការ​ជា​មួយ​សាកល​វិទ្យាល័យ​ធំ​ៗ​ជា​ច្រើន​នៅអ៉ីស្រាអែល និង​មជ្ឈមណ្ឌលវេជ្ជសាស្ត្រ Sheba បាន​ប្រៀប​ធៀប​មនុស្ស​អាយុ​​៦០​ឆ្នាំ​ឡើង​ចំនួន​៤០​ម៉ឺននាក់​ដែល​បាន​ចាក់​ដូស​ទៅ​៤​ទៅ​នឹង​មនុស្ស​​៦០​ម៉ឺន​នាក់​​​​ក្នុង​ក្រុម​អាយុ​ដូច​គ្នា​ដែល​បាន​ចាក់​ដូស​ទី​៣​ជាង​៤​ខែ​មុន។

ដូច​​កន្លែង​ផ្សេង​ទៀត​ដែរ អ៉ីស្រាអែល​រង​ការ​វាយ​ប្រហារ​ពី​រវីរុស Omicron ខ្លាំង​ដែរ ប៉ុន្តែ​មិន​ទាន់​មាន​អ្នក​ស្លាប់​ដោយ​វីរុស​នេះ​ឡើយ៕

ប្រែ​សម្រួល៖ វីរបុត្រ
ប្រភព៖ reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម