Connect with us

ព័ត៌មានអន្ដរជាតិ

តាលីបង់​ចាប់​ផ្តើម​ពិភាក្សាជា​មួយ​អឺរ៉ុប​​លើក​ដំបូងនៅ​ន័រវេស

បានផុស

នៅ

មន្ត្រី​តាលីបង់​នឹង​ជួប​មន្ត្រី​ប្រទេស​លោក​ខាង​លិច​នៅ​ប្រទេស​ន័រវេស​​ដែល​នឹង​ក្លាយ​ជា​ការ​ជួប​ពិភាក្សាគ្នា​​លើក​ដំបូង​នៅ​អឺរ៉ុប​ចាប់​តាំង​តាំង​ពី​ក្រុម​នេះ​បានគ្រប់​គ្រង​ប្រទេស​អាហ្វហ្គានីស្ថាន។

កិច្ច​ពិភាក្សា​ដែល​គ្រោង​​ធ្វើ​៣​ថ្ងៃ​នឹង​ផ្តោត​លើ​សិទ្ធិ​មនុស្ស និង​វិបត្តិ​មនុស្ស​ធម៌​នៅ​អាហ្វហ្គានីស្ថាន។ អង្គការ​សហ​ប្រជា​ជាតិ​​បាន​និយាយ​ថា ៩៥​%​នៃ​ពលរដ្ឋ​អាហ្វហ្គានីស្ថាន​មិន​មាន​អាហារ​គ្រប់​គ្រាន់​បរិភោគ។ ការ​តវ៉ា​​ជា​ច្រើន​​បាន​កើត​ឡើង​​នៅ​អឺរ៉ុប​ដែល​អ្នក​រិះ​គន់​បាន​អះ​អាង​ថា ​តាលីបង់មិន​គួរ​ត្រូវ​បាន​ផ្តល់​ឲ្យ​ជួប​ពិភាក្សា​ឡើយ។​

កាល​ពី​ថ្ងៃ​អាទិត្យ សមាជិក​តាលីបង់​បាន​ជួប​ជា​មួយ​សកម្ម​ជន​សិទ្ធិ​មនុស្ស​ ប៉ុន្តែ​សេចក្តី​លំអិត​មិន​ត្រូវ​បាន​គេ​ទម្លាយ​ឲ្យ​ដឹង​ទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សកម្មជន​ស្ត្រី​ឈ្មោះ Jamila Afghani បាន​និយាយ​ថា អ្នក​ចរចា​បាន​បង្ហាញ​ឆន្ទៈ​ល្អ។ នាង​និយាយ​ថា ៖«រង់​ចាំ​មើល​អ្វី​ដែល​ពួក​គេ​នឹង​​ធ្វើ​ដោយ​ផ្អែក​លើ​សំដី​របស់​ពួក​គេ»។

​ថ្ងៃ​ចន្ទ​ត្រូវ​បាន​គេ​ចាត់​ទុក​ជា​ពេល​វេលា​ល្អ​បំផុត​នៃ​កិច្ច​ពិភាក្សា​ជា​មួយ​សមាជិក​តាលីបង់​ក្នុង​ជំនួប​មន្ត្រី​ប្រទេស​លោក​ខាង​លិច។ តាលីបង់​គ្រោង​ស្នើ​សុំ​ដំណើរ​ការ​ចូល​ទឹក​ប្រាក់​រាប់​ពាន់​លាន​ដុល្លារ​អាមេរិក​ដែល​ត្រូវ​បាន​បង្កក​នៅ​ធនាគារ​​អាមេរិក។

អាហ្វហ្គានីស្ថានមាន​វិបត្តិ​អត់​ការងារ និង​តម្លៃ​ម្ហូប​អាហារ​ឡើង​ខ្ពស់ ខណៈ​ពេល​តម្លៃ​រូបិយប័ណ្ណ​​របស់​ខ្លួន​កំពុង​ធ្លាក់​ចុះ ហើយ​ធនាគារ​បាន​កំណត់​ពី​ចំនួន​ទឹក​ប្រាក់​ដែល​ត្រូវ​ដក។

អង្គការ​សហ​ប្រជា​ជាតិ​បាន​ព្រមាន​ថា ភាព​អត់​ឃ្លាន​បាន​គំរាម​កំហែង​ពលរដ្ឋ​អាហ្វហ្គានីស្ថាន​៥៥%។

គណៈ​ប្រតិភូ​តាលីបង់ លោក Shafiullah Azam បាន​និយាយ​ថា ៖«យើង​នឹង​ស្នើ​សុំ​ឲ្យ​ឈប់​បង្កកទ្រព្យ​សម្បត្តិ​របស់​អាហ្វហ្គានីស្ថាន​​ និង​មិនដាក់​ទណ្ឌកម្ម​ពលរដ្ឋ​អាហ្វហ្គានីស្ថាន​ដោយ​ហេតុផល​នយោបាយ​»។

«ដោយ​សារ​ភាព​អត់​ឃ្លាន ដោយ​សារអាកាសធាតុ​ត្រជាក់​ខ្លាំង ខ្ញុំ​គិត​ថា វា​ជា​ពេល​សម្រាប់​​សហគមន៍​អន្តរជាតិ​ជួយ​ពលរដ្ឋ​អាហ្វហ្គានីស្ថាន។ សូម​កុំដាក់​ទណ្ឌកម្ម​ពួក​គាត់ ដោយ​សារ​ហេតុ​ផល​នយោបាយ»។

ប្រេសិត​ប្រទេស​ខាង​លិច​ត្រូវ​បាន​គេ​រំពឹង​សង្កត់​ធ្ងន់​លើ​សារ​សំខាន់​នៃ​រដ្ឋាភិបាល​តាលីបង់​ផ្តាច់​មុខ និង​សិទ្ធិ​មនុស្ស។

ចាប់​តាំង​ពី​ក្តោប​ក្តាប់​អំណាច​មក តាលីបង់​បាន​ប្រាប់​ឲ្យ​ស្ត្រី​ភាគ​ច្រើន​បំផុត​ស្ថិត​នៅ​ផ្ទះ ខណៈ​អនុវិទ្យាល័យ​បើក​ឲ្យ​ចូល​រៀន​តែ​ក្មេង​ប្រុស និង​គ្រូ​បង្រៀន​ប្រុស​ប៉ុណ្ណោះ។ ស្ត្រី​មួយ​ចំនួន​​​បាន​​ក្លាយ​ជា​គោល​ដៅ​សម្រាប់ការ​និយាយ​ប្រឆាំង​នឹង​វិធាន​ការ។

សកម្មជន​សិទ្ធិ​មនុស្ស និង​អ្នក​សារព័ត៌មាន​ក៏​បាន​ក្លាយ​ជា​គោល​ដៅ​ដែរ​ចាប់​តាំង​ពី​តាលីបង់​កាន់​អំណាចមក។

បច្ចុប្បន្ន​​នេះ គ្មាន​ប្រទេស​ណា​មួយ​ទទួល​ស្គាល់​រដ្ឋាភិបាល​អាហ្វហ្គានីស្ថាន​ថ្មី​ជា​ផ្លូវ​ការ​ឡើយ។

រដ្ឋ​មន្ត្រីក្រសួង​ការ​បរទេស​ន័រវេស លោកស្រី Anniken Huitfeldt បាន​និយាយ​ថា កិច្ច​ប្រជុំ​មិន​​បង្ហាញ​ពី​​ការ​ទទួល​ស្គាល់ ឬ​ភាព​ស្រប​ច្បាប់​នៃ​រដ្ឋាភិបាល​តាលីបង់​ឡើយ «ប៉ុន្តែ​​យើង​ត្រូវ​តែ​​និយាយ​ជា​មួយ​អាជ្ញាធរ​ពី​បញ្ហា​នៅ​ក្នុង​ប្រទេស»។

គំនិត​ផ្តួច​ផ្តើម​បាន​​បែង​ចែក​ពលរដ្ឋ​អាហ្វហ្គានីស្ថាន ដែល​អ្នក​ខ្លះ​សង្កត់​ធ្ងន់​ពី​សារសំខាន់​នៃ​ការ​ភ្ជាប់​ទំនាក់​ទំនង​ជា​មួយតាលីបង់។ ចំណែក​អ្នក​ផ្សេង​បាន​ទទួច​ថា តាលីបង់​មិន​គួរ​ត្រូវ​បាន​បញ្ជើញ​ឲ្យ​ទៅ​ទី​ក្រុង​នៅ​អឺរ៉ុប​ឡើយ​ដោយ​សារ​ពួក​គេ​រំលោភ​បំពាន​សិទ្ធិ​មនុស្ស​ជា​ប្រព័ន្ធ។

ការ​តវ៉ា​ជា​ច្រើន​​បាន​កើត​មាន​នៅ​ទូទាំង​អឺរ៉ុប​កាល​ពី​ចុង​សប្តាហ៍​នេះ​។ នៅ​ទី​ក្រុង Oslo អ្នក​តវ៉ា​ម្នាក់​បាន​ប្រាប់ទី​ភ្នាក់​ងារ​សារព័ត៌មាន AFP ​ថា ការ​ពិភាក្សាគឺ​ជា​ការ​សើច​ចំអក​ចំពោះ​ពលរដ្ឋ​អាហ្វហ្គានីស្ថាន​ដែល​បាត់​បង់​សមាជិក​គ្រួសារ។

ស្ត្រី​អ្នក​តវ៉ា​បាន​និយាយ​ថា ៖«អ្នក​មិន​ត្រូវ​ចរចា​ជា​មួយភេរវករ​ទេ»៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

មន្ត្រីជំនាញក្រសួងអប់រំ កំពុងចុះសិក្សាពីកង្វះខាតអគារសិក្សានៅទូទាំងប្រទេស ដើម្បីឱ្យសិស្សទទួលបានកន្លែងសិក្សាសមរម្យ

ព័ត៌មានជាតិ២២ នាទី មុន

ក្រសួងអប់រំ ប្រកាសឱ្យមន្ទីរអប់រំរាជធានី-ខេត្ត ជ្រើសរើសសិស្សពូកែ ត្រៀមចូលរួមប្រឡងទូទាំងប្រទេស នាខែឧសភា ខាងមុខ

ព័ត៌មានជាតិ២២ នាទី មុន

អភិបាលខណ្ឌឫស្សីកែវ ដឹកនាំកម្លាំងចម្រុះ​ចុះពង្រឹងសន្តិសុខ ទប់ស្កាត់បទល្មើសតាមមូលដ្ឋាន

ព័ត៌មានអន្ដរជាតិ១ ម៉ោង មុន

អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំ​ដកអគារមួយខ្នងទុកឲ្យកូនស្រី

ព័ត៌មានអន្ដរជាតិ២ ម៉ោង មុន

កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត

Sokha Hotels

ព័ត៌មានពេញនិយម