ព័ត៌មានអន្ដរជាតិ
អូស្ត្រាលី និងនូវែលសេឡង់ជំរុញពលរដ្ឋខ្លួនចាកចេញពីអ៊ុយក្រែនឲ្យបានឆាប់
ពលរដ្ឋអូស្ត្រាលីនៅប្រទេសអ៊ុយក្រែនគួរតែចាកចេញពីប្រទេសឲ្យបានលឿនបំផុតតាមដែលអាចទៅរួច ដោយសារស្ថានភាពគ្រោះថ្នាក់កំពុងកើនឡើង។ នេះជាសំដីរបស់លោកនាយករដ្ឋមន្ត្រីអូស្ត្រាលី Scott Morrison នាព្រឹកថ្ងៃសៅរ៍ ទី១២ ខែកុម្ភៈនេះ។
ចំណែក ក្រសួងការប្រទេសនូវែលសេឡង់នៅថ្ងៃសៅរ៍នេះក៏បានជំរុញពលរដ្ឋនូវែលសេឡង់ទាំងអស់នៅអ៊ុយក្រែនឲ្យចាកចេញជាបន្ទាន់ដើម្បីគេចពីភាពតានតឹងកំពុងកើនឡើងរវាងរុស្ស៊ី និងអ៊ុយក្រែន។
ក្រសួងការបរទេសបាននិយាយក្នុងសេចក្តីថ្លែងការណ៍មួយថា ៖«នូវែលសេឡង់មិនមានតំណាងការទូតនៅអ៊ុយក្រែនទេ ហើយសមត្ថភាពរបស់រដ្ឋាភិបាលក្នុងការផ្តល់ជំនួយផ្នែកកុងស៊ុលដល់ប្រជាជននូវែលសេឡង់នៅអ៊ុយក្រែនក៏មានកម្រិតថែមទៀត»។
ក្រសួងបន្តថា ៖«ស្ថានភាពសន្តិសុខនៅអ៊ុយក្រែនអាចផ្លាស់ប្តូរក្នុងពេលជូនដំណឹងដ៏ខ្លី ហើយពលរដ្ឋនូវែលសេឡង់មិនគួរពឹងផ្អែកលើជំនួយនៃការជម្លៀសចេញក្នុងកាលៈទេសៈទាំងនោះទេ»។
ចំពោះនាយករដ្ឋមន្ត្រីអូស្ត្រាលីលោក Morrison បានប្រាប់អ្នកកាសែតថា ៖«ដំបូន្មានរបស់ពួកយើងច្បាស់លាស់ នេះគឺជាស្ថានភាពគ្រោះថ្នាក់…លោកអ្នកគួរស្វែងរកជម្រើសចាកចេញពីប្រទេសអ៊ុយក្រែន»។
ការព្រមានបានធ្វើឡើង បន្ទាប់ពីរដ្ឋមន្ត្រីក្រសួងការបរទេសអាមេរិក លោក Antony Blinken បានចាកចេញពីប្រទេសអូស្ត្រាលីនៅថ្ងៃសៅរ៍ ដោយបាននិយាយថា រុស្ស៊ីអាចធ្វើសកម្មភាពផ្ទុះអាវុធផ្នែកយោធាទៅលើអ៊ុយក្រែននៅពេលណាមួយ ហើយទីក្រុងវ៉ាស៊ីនតោន និងប្រទេសផ្សេងៗទៀតបានជំរុញឲ្យប្រជាពលរដ្ឋរបស់ខ្លួនចាកចេញពីប្រទេសអ៊ុយក្រែន៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៩ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន