ព័ត៌មានអន្ដរជាតិ
WHO បន្ថែមថ្នាំមួយប្រភេទទៀតព្យាបាលកូវីដធ្ងន់ធ្ងរ តែតម្លៃថ្លៃកប់ក្ដោង
អង្គការសុខភាពពិភពលោក (WHO) បាននិយាយកាលពីថ្ងៃសុក្រថា ខ្លួនបានបន្ថែមថ្នាំរលាកសន្លាក់ Tocilizumab ចូលក្នុងបញ្ជីសម្រាប់ប្រើប្រាស់ចំពោះអ្នកជំងឺកូវីដ ១៩ ធ្ងន់ធ្ងរដែលកំពុងសម្រាកព្យាបាលនៅមន្ទីរពេទ្យ ។
ថ្នាំបណ្ដុះអង់ទីគ័រ Monoclonal ដែលប្រើសម្រាប់ប្រឆាំងនឹងការរលាក ផលិតដោយក្រុមហ៊ុនឱសថយក្ស Roche របស់ប្រទេសស្វីស បានបង្ហាញពីប្រសិទ្ធភាពកាត់បន្ថយហានិភ័យនៃការស្លាប់ និងពេលវេលាសម្រាកព្យាបាលនៅមន្ទីរពេទ្យចំពោះអ្នកជំងឺមួយចំនួនដែលទទួលរងស្ថានភាពធ្ងន់ធ្ងរពីជំងឺកូវីដ ១៩ ។
កន្លងមក WHO ក៏ដូចជាសហរដ្ឋអាមេរិក និងសហភាពអឺរ៉ុបបានផ្តល់អនុសាសន៍រួចហើយថា ការប្រើប្រាស់ថ្នាំរលាកសន្លាក់ Tocilizumab មានប្រសិទ្ធភាពព្យាបាលកូវីដធ្ងន់ធ្ងរនៅក្នុងអ្នកជំងឺសម្រាកព្យាបាលនៅមន្ទីរពេទ្យ ។
WHO បាននិយាយថា ប៉ុន្តែបច្ចុប្បន្នវានៅតែខ្វះខាត ហើយថ្នាំនេះមានតម្លៃថ្លៃណាស់ ដោយមួយដូសត្រូវបានគេរាយការណ៍ថាមានតម្លៃរហូតដល់ ៦០០ ដុល្លារ នៅក្នុងប្រទេសដែលមានប្រាក់ចំណូលទាប ។
WHO បានប្រាប់ AFP ថា ដំណើរការកំណត់លក្ខណៈសម្បត្តិរបស់ខ្លួនមានគោលបំណងជាចម្បងដើម្បីធានាគុណភាព សុវត្ថិភាព និងប្រសិទ្ធភាពនៃផលិតផលវេជ្ជសាស្រ្ដដែលទទួលបានដល់ប្រទេសកំពុងអភិវឌ្ឍន៍ ។
WHO បាននិយាយថា ខ្លួនកំពុងពិភាក្សាជាមួយក្រុមហ៊ុន Roche អំពីរបៀបបញ្ចុះតម្លៃ និងកែលម្អលទ្ធភាពទទួលបាននៅក្នុងប្រទេសដែលមានចំណូលទាប និងមធ្យម ។
គួរបញ្ជាក់ថា Tocilizumab ពីមុនត្រូវបានអនុញ្ញាតភាគច្រើនសម្រាប់ការព្យាបាលជំងឺរលាកសន្លាក់នៅក្នុងប្រទេសប្រហែល ១២០ ប៉ុន្តែក្នុងអំឡុងពេលនៃជំងឺរាតត្បាតនេះ វាក៏បានបង្ហាញពីប្រសិទ្ធភាពដើម្បីទប់ស្កាត់ “ប្រូតេអ៊ីន Cytokines ” ដ៏គ្រោះថ្នាក់ដែលជាប្រតិកម្មហួសកម្រិតនៃប្រព័ន្ធភាពស៊ាំចំពោះវីរុសកូវីដ ១៩ ៕
ប្រែសម្រួលដោយ ៖ ជីវ័ន្ត
ប្រភព ៖ NDTV
ចុចអាន ៖ WHO ឲ្យប្រទេសអ្នកមានចាយលុយជួយប្រទេសក្រីក្រ ទើបអាចបញ្ចប់កូវីដ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង