ព័ត៌មានអន្ដរជាតិ
អតីតមេបញ្ជាការកំពូលអង្គការណាតូ ព្រមានថា សង្គ្រាមនុយក្លេអ៊ែរជាមួយរុស្ស៊ី អាចកើតឡើង
អតីតមេបញ្ជាការអង្គការណាតូរបស់ចក្រភពអង់គ្លេសបានព្រមានថា សង្គ្រាមនុយក្លេអ៊ែរជាមួយរុស្ស៊ី អាចកើតមានឡើង បន្ទាប់ពីលោក វ្ល៉ាឌីមៀរ ពូទីន បញ្ជាឲ្យកងទ័ពចូលទៅក្នុងភាគខាងកើតប្រទេសអ៊ុយក្រែន។
Luhansk និង Donetsk គឺជាតំបន់ដែលផ្តាច់ខ្លួនចេញពីការគ្រប់គ្រងរបស់រដ្ឋាភិបាលអ៊ុយក្រែននៅក្នុងឆ្នាំ២០១៤ ហើយចាប់តាំងពីពេលនោះមក ត្រូវបានគ្រប់គ្រងដោយក្រុមឧទ្ទាមដែលគាំទ្រដោយទីក្រុងមូស្គូ។
កាលពីថ្ងៃចន្ទទី២១ខែកុម្ភៈ លោក ពូទីន បានទទួលស្គាល់ជាផ្លូវការថា តំបន់ទាំង២ជារដ្ឋឯករាជ្យ ហើយនៅថ្ងៃអង្គារ រដ្ឋាភិបាលចក្រភពអង់គ្លេសបាននិយាយថា ការវាយប្រហារអ៊ុយក្រែនបានចាប់ផ្តើមហើយ បន្ទាប់ពីទាហានរុស្ស៊ីចូលទៅក្នុងតំបន់។
លោកឧត្តមសេនីយ៍ Sir Richard Sherriff បានប្រាប់ BBC Radio 4 ថា លោកជឿថា លោក ពូទីន នឹងមិនធ្វើសង្រ្គាមទេ ប្រសិនបើគាត់គិតថា គាត់មិនអាចឈ្នះ។
លោកនិយាយថា “នេះគឺជាពេលវេលាគ្រោះថ្នាក់បំផុតនៅអឺរ៉ុប ចាប់តាំងពីឆ្នាំ១៩៦២ និងវិបត្តិមីស៊ីលគុយបាមក ប៉ុន្តែវាអាចអាក្រក់ជាងនេះទៅទៀត ដោយសារតែនេះគឺជាការវាយចូលប្រទេសអធិបតេយ្យមួយ ដែលអាចក្លាយទៅជាសង្រ្គាមមហន្តរាយ និងជាសង្គ្រាមក្នុងទ្រង់ទ្រាយដែលគេមិនធ្លាប់ឃើញសោះនៅអឺរ៉ុប ចាប់តាំងពីឆ្នាំ១៩៤៥មក”។
លោកឧត្តមសេនីយ៍ Sherriff បន្តថា “នៅពេលដែលសង្រ្គាមផ្ទុះឡើង លោក ពូទីន សម្រេចចិត្តបន្តនូវអ្វីដែលគាត់បានចាប់ផ្តើម និងវាយប្រហារអ៊ុយក្រែន ហើយការពាក់ព័ន្ធជាមួយនឹងអង្គការណាតូ គឺជាលទ្ធភាពពិតប្រាកដមួយ”។
គួរបញ្ជាក់ថា ការព្រមាននេះកើតឡើង បន្ទាប់ពីមានសេចក្តីរាយការណ៍ថា រុស្ស៊ីកំពុងផលិតនាវាមុជទឹកនុយក្លេអ៊ែរ ដែលអាចគេចផុតពីរ៉ាដា៕
ប្រែសម្រួល៖ Vann Vann
ប្រភព៖ Daily Star
ចុចអាន៖ ពូទីន បញ្ជូនឈាម និងគ្រឿងពេទ្យ ទៅឲ្យទាហាននៅព្រំដែន ត្រៀមបើកការវាយប្រហារ
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ