មេទ័ពរុស្ស៊ី ២នាក់ទៀត ត្រូវអ៊ុយក្រែន បាញ់សម្លាប់

មន្ត្រី​លោក​ខាងលិច​ម្នាក់​បាន​អះអាង​ថា មេទ័ព​រុស្ស៊ី​ពីរ​នាក់​ទៀត​ ត្រូវ​បាន​សម្លាប់​នៅសមរភូមិ​ជួរ​មុខ​ក្នុង​ប្រទេស​អ៊ុយក្រែន បន្ទាប់​ពី​មេទ័ព​កំពូល​ម្នាក់ ​ត្រូវ​បាន​សម្លាប់​ដោយ​អ្នកបាញ់ស៊ីប​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ Andrey Sukhovetsky អាយុ៤៧ឆ្នាំ ត្រូវបានសម្លាប់ដោយអ្នកបាញ់ស៊ីបអ៊ុយក្រែន ខណៈដែលអ្នកស្លាប់ចុងក្រោយបំផុត២នាក់ទៀត ក៏ជាមន្ត្រីជាន់ខ្ពស់ផងដែរ ថ្វីបើភ្លាមៗឈ្មោះរបស់ពួកគេ មិនទាន់ត្រូវបានបញ្ជាក់ក៏ដោយ។

សារព័ត៌មាន Telegraph បានរាយការណ៍ថា ម្នាក់ជាមេបញ្ជាការកងពល និងម្នាក់ទៀតជាមេបញ្ជាការកងវរសេនាធំ។

លោក Sukhovetsky ដែលជាមេបញ្ជាការរងនៃកងកម្លាំងប្រដាប់អាវុធ យោធាមជ្ឈិមរុស្ស៊ីលេខ៤១ បានទទួលមរណភាពកាលពីថ្ងៃពុធ ខណៈដែលកងកម្លាំងការពារជាតិអ៊ុយក្រែន វាយបកទប់ទល់ការវាយលុករបស់រុស្ស៊ី។

ការស្លាប់របស់គាត់ ត្រូវបានប្រកាសនៅលើប្រព័ន្ធផ្សព្វផ្សាយសង្គមដោយសហការីឈ្មោះ Sergey Chipilyov ហើយត្រូវបានរាយការណ៍យ៉ាងទូលំទូលាយដោយសារព័ត៌មានរុស្ស៊ី និងអ៊ុយក្រែន៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ អ៊ុយក្រែន ថា ទាហានរុស្ស៊ី កំពុងចាប់រំលោភស្រីៗ ក្នុងទីក្រុងដែលពួកគេកាន់កាប់