ព័ត៌មានអន្ដរជាតិ

ប្រទេសនេះដាក់ទណ្ឌកម្មច្រើនជាងគេលើរុស្ស៊ី តែមិនមែនអាមេរិក

បានផុស

២ years មុន

នៅ

ថ្ងៃពុធ ៩ មីនា ២០២២

ដោយ

សារព័ត៌មានអាមេរិក Bloomberg បានគណនាថា ប្រទេសរុស្ស៊ីបានក្លាយជាប្រទេសឈានមុខគេក្នុងពិភពលោកដែលទទួលរងចំនួនទណ្ឌកម្មនាពេលបច្ចុប្បន្ននេះ បន្ទាប់ពីធ្វើការវាយប្រហារនៅប្រទេសអ៊ុយក្រែន។

យោងតាមការចេញផ្សាយ ផ្អែកលើទិន្នន័យពី Castellum បង្ហាញថា ក្រុមហ៊ុនអាជីវកម្ម បុគ្គល និងកម្មវត្ថុផ្សេងទៀតរបស់រុស្ស៊ីជាង៥៥៣០ត្រូវបានទទួលរងទណ្ឌកម្ម ចាប់តាំងពីរុស្ស៊ីបានទទួលស្គាល់សាធារណៈ Donbass កាលពីថ្ងៃទី២២ ខែកុម្ភៈ និងការចាប់ផ្តើមប្រតិបត្តិការយោធានៅអ៊ុយក្រែន ថ្ងៃទី២៤ ខែកុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីមុន ប្រទេសអ៉ីរ៉ង់ជាអ្នកឈានមុខពីការទទួលរងទណ្ឌកម្មគឺ៣៦១៦ទាំងបុគ្គល និងស្ថាប័ន។

ទោះបីជាយ៉ាងណា ទណ្ឌកម្មលើអ៊ីរ៉ង់ត្រូវបានដាក់រយៈពេលមួយទសវត្សរ៍មកហើយដោយសារបញ្ហាកម្មវិធីអាវុធនុយក្លេអ៊ែរជាចម្បង ខណៈប្រហែលពាក់កណ្តាលនៃទណ្ឌកម្មលើរុស្ស៊ីត្រូវបានដាក់ក្នុងរយៈពេលត្រឹមតែ២សប្តាហ៍ប៉ុណ្ណោះ។

ជារួម ចាប់តាំងពីថ្ងៃទី២២ ខែកុម្ភៈមក ទណ្ឌកម្មភាគច្រើនបំផុតលើរុស្ស៊ីត្រូវបានដាក់លើបុគ្គលដែលមាន២៤២៧នាក់។ ស្ថាប័នចំនួន៣៤៣ ក្នុងនោះមានក្រុមហ៊ុនអាជីវកម្ម ធនាគារ និងស្ថាប័នរដ្ឋាភិបាល។

ប្រទេសដែលទណ្ឌកម្មច្រើនបំផុតលើរុស្ស៊ីគឺប្រទេសស្វីសដែលបានដាក់ទណ្ឌកម្មដល់ទៅ៥៦៨វ៉ាដាច់សហភាពអឺរ៉ុបដែលមាន៥១៨។ ទន្ទឹមជាមួយគ្នានេះសហរដ្ឋអាមេរិកដែលរិះគន់ខ្លាំងបំផុតចំពោះប្រតិបត្តិការយោធារបស់រុស្ស៊ីលើអ៊ុយក្រែនបានដាក់ទណ្ឌកម្មចំនួន២៤៣ប៉ុណ្ណោះ និងបន្ទាប់មកប្រទេសកាណាដា និងអូស្ត្រាលី។

សហស្ថាបនិក Castellum និងជាអតីតមន្ត្រីក្រសួងរតនាគារអាមេរិក លោក Peter Piatetsky បានហៅទណ្ឌកម្មលើរុស្ស៊ីចុងក្រោយបំផុតគឺជា«សង្គ្រាមនុយក្លេអ៊ែរហិរញ្ញវត្ថុ និងជាព្រឹត្តិការណ៍ទណ្ឌកម្មធំបំផុតក្នុងប្រវត្តិសាស្ត្រ»។

បន្ទាប់ពីរុស្ស៊ី និងអ៉ីរ៉ង់ ប្រទេសដែលរងទណ្ឌកម្មជាច្រើនសកលច្រើនជាងគេទៀតមានប្រទេសស៊ីរី (ទណ្ឌកម្ម២៦០៨) និងកូរ៉េខាងជើង (ទណ្ឌកម្ម២០៧៧), វ៉េណេស៊ុយអេឡា (ទណ្ឌកម្ម៦៥១), មីយ៉ាន់ម៉ា (ទណ្ឌកម្ម៥១០) និងគុយបា (ទណ្ឌកម្ម២០៨)៕

ប្រែសម្រួល៖ វីរបុត្រ
ប្រភព៖ RT