ព័ត៌មានអន្ដរជាតិ

មីយ៉ាន់ម៉ា បើកទទួលភ្ញៀវទេសចរបរទេសនាពាក់កណ្ដាលខែមេសា តែត្រូវអនុវត្តពិធីសារកូវីដ

បានផុស

២ years មុន

នៅ

ថ្ងៃអង្គារ ២២ មីនា ២០២២

ដោយ

ប្រភពព័ត៌មានបានឲ្យដឹងថា ប្រទេសមីយ៉ាន់ម៉ានឹងចាប់ផ្តើមបើកជើងហោះហើរដឹកអ្នកដំណើរអន្តរជាតិឡើងវិញ ចាប់ពីថ្ងៃទី ១៧ ខែមេសាខាងមុខ បន្ទាប់ពីផ្អាកការទទួលភ្ញៀវទេសចរបរទេសចូលក្នុងប្រទេសអស់រយៈពេល ២ ឆ្នាំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មីយ៉ាន់ម៉ាបានបិទព្រំដែនរបស់ខ្លួនសម្រាប់ភ្ញៀវទេសចរបរទេស ចាប់តាំងពីខែមីនា ឆ្នាំ២០២១ នៅអំឡុងពេលកំពុងចាប់ផ្តើមឆ្លងរាលដាលនៃជំងឺកូវីដ ១៩ ក្នុងគោលបំណងដើម្បីការពារការឆ្លងរាលដាបន្ថែមទៀត ។

គណៈកម្មការកណ្តាលជាតិស្តីពីការបង្ការ-គ្រប់គ្រង និងព្យាបាលជំងឺកូវីដ ១៩ បាននិយាយថា “យើងនឹងបើកជើងហោះហើរអន្តរជាតិទាំងអស់ឡើងវិញនៅថ្ងៃទី ១៧ ខែមេសា ឆ្នាំ២០២២ និងអាចហោះហើរជាធម្មតាឡើងវិញ” ។

ការសម្រេចបែបនេះត្រូវបានធ្វើឡើងដើម្បីកែលម្អវិស័យទេសចរណ៍ និងធ្វើឲ្យដំណើររបស់ភ្ញៀវទេសចរដែលមកទេសចរណ៍នៅមីយ៉ាន់ម៉ាប្រព្រឹត្តទៅដោយរលូន ។

ចំណែកក្រសួងសុខាភិបាលមីយ៉ាន់ម៉ាបញ្ជាក់ថា ភ្ញៀវទេសចរ ឬអ្នកធ្វើដំណើរនឹងតម្រូវឲ្យធ្វើចត្តាឡីស័ករយៈពេល ១ សប្តាហ៍ និងឆ្លងកាត់ការធ្វើតេស្តកូវីដចំនួន ២ ដង និងត្រូវបានទទួលការចាក់វ៉ាក់សាំងពេញដូសរួចហើយ ៕