ព័ត៌មានអន្ដរជាតិ
អ៊ុយក្រែន ដាច់ខាតមិនប្រគល់ទឹកដីអធិបតេយ្យភាពឲ្យ រុស្ស៊ី ឡើយ
លោក Andrey Yermak អគ្គសេនាធិការរបស់លោកប្រធានាធិបតី Volodymyr Zelensky បាននិយាយកាលពីថ្ងៃសុក្រថា អ៊ុយក្រែននឹងមិនប្រគល់ទឹកដី ឬអធិបតេយ្យភាពណាមួយរបស់ខ្លួនទៅឲ្យរុស្ស៊ីឡើយ ព្រោះប្រទេសនេះត្រូវតែរក្សាព្រំដែនលើផ្លូវនៃការលុកលុយរបស់រុស្ស៊ី ។
លោក Yermak បាននិយាយក្នុងអំឡុងពេលសន្ទនាតាមអនឡាញដែលរៀបចំដោយក្រុមប្រឹក្សាអាត្លង់ទិកថា “យើងនឹងមិនលះបង់ទាំងអធិបតេយ្យភាពរបស់យើង ឬដែនដីរបស់យើងទេ ប៉ុន្តែយើងមិនអាចអនុញ្ញាតឲ្យរុស្ស៊ីទទួលបានជ័យជម្នះនៅទីនេះបានទេ ។ អ្នកមិនអាចអនុញ្ញាតឲ្យអ៊ុយក្រែនហូរឈាមបានទេ ពីព្រោះអ៊ុយក្រែនត្រូវតែរស់នៅ” ។
លោក Yermak បានបន្ថែមថា អ៊ុយក្រែននឹងមិនទទួលយកឱសានវាទ ឬកិច្ចព្រមព្រៀងសន្តិភាពណាមួយលើលក្ខខណ្ឌរបស់រុស្ស៊ីឡើយ ។
ការលើកឡើងនេះកើតឡើង បន្ទាប់ពីប្រធានាធិបតីអាមេរិកលោក ចូ បៃដិន បាននិយាយថា វាអាស្រ័យលើអ៊ុយក្រែនក្នុងការសម្រេចចិត្តថាតើត្រូវប្រគល់ទឹកដីណាមួយរបស់ខ្លួនទៅឲ្យរុស្ស៊ីឬយ៉ាងណានោះទេ ប៉ុន្តែលោលជឿថា ទីក្រុងកៀវនឹងមិនត្រូវធ្វើបែបនេះឡើយ ។
នៅថ្ងៃទី ២៤ ខែកុម្ភៈ រុស្ស៊ីបានចាប់ផ្តើមប្រតិបត្តិការពិសេសមួយនៅអ៊ុយក្រែន បន្ទាប់ពីសាធារណរដ្ឋ Donetsk និង Lugansk បានស្នើសុំជំនួយដើម្បីការពារពួកគេពីការវាយប្រហារកាន់តែខ្លាំងឡើងដោយកងទ័ពអ៊ុយក្រែន ។
ក្រសួងការពារជាតិរុស្ស៊ីបាននិយាយថា ប្រតិបត្តិការនេះគឺផ្តោតតែលើហេដ្ឋារចនាសម្ព័ន្ធយោធាអ៊ុយក្រែនតែប៉ុណ្ណោះ ដោយព្យាយាមអស់ពីសមត្ថភាពដើម្បីបញ្ចៀសការស្លាប់ និងរបួសក្នុងចំណោមជនស៊ីវិល ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore