Connect with us

ព័ត៌មានអន្ដរជាតិ

WHO និយាយថា ការវាយប្រហារលើមន្ទីរពេទ្យអ៊ុយក្រែន កើនឡើងជារៀងរាល់ថ្ងៃ

បានផុស

នៅ

អង្គការសុខភាពពិភពលោក (WHO) និយាយថា មានការវាយប្រហារដាច់ដោយឡែកពីគ្នាជាង៧០លើកលើមន្ទីរពេទ្យ រថយន្តសង្គ្រោះ និងវេជ្ជបណ្ឌិតនៅក្នុងប្រទេសអ៊ុយក្រែន ខណៈចំនួននៃការវាយប្រហារបានកើនឡើងជារៀងរាល់ថ្ងៃ។

This image has an empty alt attribute; its file name is 20220326085438_art.jpg

WHO និយាយថា ការកំណត់គោលដៅលើទីតាំងថែទាំសុខភាព បានក្លាយជាផ្នែកមួយនៃយុទ្ធសាស្ត្រ និងកលល្បិចនៃសង្គ្រាមសម័យទំនើប។

ចាប់តាំងពីថ្ងៃទី២៤ខែកុម្ភៈមក WHO បានពិនិត្យ និងផ្ទៀងផ្ទាត់ការវាយប្រហារដាច់ដោយឡែកចំនួន៧២ លើទីតាំងថែទាំសុខភាពក្នុងប្រទេសអ៊ុយក្រែន ដែលបណ្តាលឲ្យមនុស្សយ៉ាងតិច៧០នាក់ស្លាប់ និង៣៧នាក់រងរបួស។

This image has an empty alt attribute; its file name is maternity_1200x768_1_1200x768.webp

ការវាយប្រហារភាគច្រើនបានធ្វើឲ្យខូចខាតមន្ទីរពេទ្យ ការដឹកជញ្ជូនវេជ្ជសាស្រ្ត និងស្តុកផ្គត់ផ្គង់ ប៉ុន្តែ WHO ក៏បានកត់ត្រាអំពីការចាប់ពង្រត់ ឬការឃុំឃាំងបុគ្គលិកថែទាំសុខភាព និងអ្នកជំងឺផងដែរ។

តំណាងអ៊ុយក្រែនរបស់ WHO លោក Jarno Habicht បានប្រាប់ BBC ថា “យើងមានការព្រួយបារម្ភដែល ចំនួននៃការវាយប្រហារកំពុងកើនឡើងជារៀងរាល់ថ្ងៃ។​ ទីតាំងថែទាំសុខភាពគួរតែជាកន្លែងមានសុវត្ថិភាពសម្រាប់វេជ្ជបណ្ឌិត គិលានុបដ្ឋាយិកា និងអ្នកជំងឺ។ រឿងនេះមិនគួរកើតឡើងនោះទេ”៕

ប្រែសម្រួល៖ Vann Vann

ប្រភព៖ BBC

ចុចអាន៖ រុស្ស៊ី ទម្លាយតួលេខថ្មីអំពី ទាហានស្លាប់ និងរបួស ខុសពីការអះអាងរបស់ អ៊ុយក្រែន ឆ្ងាយណាស់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម