ព័ត៌មានអន្ដរជាតិ

ធនាគារពិភពលោកបង្កកគម្រោងនៅអាហ្វហ្គានីស្ថាន ក្រោយតាលីបង់ហាមក្មេងស្រីរៀនវិទ្យាល័យ

បានផុស

៤ years មុន

នៅ

ថ្ងៃពុធ ៣០ មីនា ២០២២

ដោយ

ធនាគារពិភពលោកបានផ្អាកគម្រោងចំនួន៤នៅប្រទេសអាហ្វហ្គានីស្ថានដែលមានទឹកប្រាក់៦០០លានដុល្លារអាមេរិក ដោយសារក្រុមតាលីបង់ដែលដឹកនាំប្រទេសហាមក្មេងស្រីវៀននៅកម្រិតវិទ្យាល័យ។

គម្រោងដែលត្រូវបានផ្តល់ដល់មូលនិធិទំនុកចិត្តលើការកសាងអាហ្វហ្គានីស្ថានឡើងវិញ (ARTF) កំពុងត្រូវបានត្រៀមរួចរាល់ហើយដើម្បីអនុវត្តដោយទីភ្នាក់ងារអង្គការសហប្រជាជាតិសម្រាប់ការគាំទ្រគម្រោងនៅក្នុងវិស័យកសិកម្ម អប់រំ សុខភាព និងការរស់នៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ធនាគារពិភពលោកបាននិយាយដោយយោងទៅលើកង្វល់ធ្ងន់ធ្ងរជុំវិញតាលីបង់ហាមក្មេងស្រីចូលរៀនថ្នាក់វិទ្យាល័យ ប៉ុន្តែការណែនាំរបស់ធនាគារទាមទារឲ្យគ្រប់សកម្មភាព ARTF ដែលផ្តល់ហិរញ្ញវត្ថុដំណើរការប្រកបដោយសមធម៌នៃសេវាកម្មសម្រាប់ស្ត្រី និងក្មេងស្រីនៅអាហ្វហ្គានីស្ថាន។

ជាលទ្ធផល ធនាគារបាននិយាយថា គម្រោង៤នឹងត្រូវផ្តល់ឲ្យទៅម្ចាស់ជំនួយ ARTF ដើម្បីអនុម័ត«នៅពេលណាដែលធនាគារពិភពលោក និងដៃគូអន្តរជាតិបានយល់ច្បាស់ពីស្ថានភាព និងការជឿទុកចិត្តដែលគម្រោងត្រូវបានបំពេញតាមគោលដៅ»។

មន្ត្រីអាមេរិកកាលពីសប្តាហ៍មុនបានលុបចោលកិច្ចប្រជុំតាមការគ្រោងទុកនៅទីក្រុង Doha ជាមួយតាលីបង់ដោយសាររឿងហាមក្មេងស្រីចូលរៀននៅកម្រិតវិទ្យាល័យ។

ក្រុមប្រឹក្សាប្រតិបត្តិរបស់ធនាគារពិភពលោកកាលពីថ្ងៃទី១ ខែមីនា បានអនុម័តគម្រោងដែលមានថវិកាជាង១ប៊ីលានដុល្លារអាមេរិកពីមូលនិធិ ARTF ដើម្បីផ្តល់ហិរញ្ញប្បទានដល់គម្រោងអប់រំ កសិកម្ម សុខភាព និងគ្រួសារដែលត្រូវការជាបន្ទាន់។

មូលនិធិ ARTF ត្រូវបានបង្កកកាលពីខែសីហា នៅពេលក្រុមតាលីបង់បានកាន់អំណាច ស្របពេលកម្លាំងអន្តរជាតិដឹកនាំដោយអាមេរិកបានដកចេញ បន្ទាប់ពីសង្គ្រាមរយៈពេល២០ឆ្នាំ៕

ប្រែសម្រួល៖ វីរបុត្រ
ប្រភព៖ Reuters

Related Topics:ធនាគារពិភពលោក

ព័ត៌មានជាតិ៦ ថ្ងៃ ago

ថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ

សន្តិសុខសង្គម១ សប្តាហ៍ ago

ត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា

ព័ត៌មានអន្ដរជាតិ៤ ថ្ងៃ ago

អង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ

ព័ត៌មានអន្ដរជាតិ១ សប្តាហ៍ ago

យន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់

សេដ្ឋកិច្ច១ សប្តាហ៍ ago

កម្ពុជា មានក្រុមហ៊ុននាំចូលសាច់បង្កកចំនួន ៥៧

ព័ត៌មានជាតិ៧ ថ្ងៃ ago

ក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា