ព័ត៌មានអន្ដរជាតិ
ប្រទេសសម្ព័ន្ធមិត្តចំនួន ៣ រួមគ្នាអភិវឌ្ឍ អាវុធល្បឿនលឿនជាងសំឡេង
សហរដ្ឋអាមេរិក អង់គ្លេស និងអូស្ត្រាលីបាននិយាយថា ពួកគេនឹងរួមគ្នាបង្កើតអាវុធល្បឿនលឿនជាងសំឡេងតាមរយៈសម្ព័ន្ធសន្តិសុខត្រីភាគីដែលគេស្គាល់ថា AUKUS ។
នៅក្នុងសេចក្តីថ្លែងការណ៍រួមមួយដែលបានចេញផ្សាយកាលពីថ្ងៃអង្គារ ប្រធានាធិបតីសហរដ្ឋអាមេរិក Joe Biden នាយករដ្ឋមន្ត្រីអង់គ្លេស Boris Johnson និងនាយករដ្ឋមន្ត្រីអូស្ត្រាលី Scott Morrison បានប្រកាសថា ប្រទេសរបស់ពួកគេនឹងចាប់ផ្តើមកិច្ចសហប្រតិបត្តិការត្រីភាគីថ្មីស្តីពីការបង្កើតអាវុធល្បឿនលឿនជាងសំឡេង អាវុធប្រឆាំងមីស៊ីលល្បឿនលឿនជាងសំឡេង ក៏ដូចជាអាវុធមានសមត្ថភាពប្រឆាំងសង្គ្រាមអេឡិចត្រូនិក ។
ទន្ទឹមនោះ អាវុធល្បឿនលឿនជាងសំឡេងនេះគឺអាចធ្វើដំណើរក្នុងល្បឿនលឿនជាងសំឡេង ៥ ដង ពោលជាប្រភេទអាវុធដែលពិបាកស្ទាក់ចាប់ដោយប្រព័ន្ធការពារមីស៊ីលបច្ចុប្បន្ន ។
រុស្ស៊ីបាននិយាយកាលពីខែមីនាថា ខ្លួនបានប្រើកាំជ្រួចមីស៊ីលល្បឿនលឿនជាងសំឡេង Kinzhal ដែលបាញ់បង្ហោះតាមអាកាសដើម្បីបំផ្លាញឃ្លាំងអាវុធរបស់អ៊ុយក្រែន ។ ប្រទេសចិន តាមសេចក្តីរាយការណ៍ បានសាកល្បងប្រព័ន្ធអាវុធល្បឿនលឿនជាងសំឡេងកាលពីខែសីហាឆ្នាំមុន ខណៈប្រទេសកូរ៉េខាងជើងបានបាញ់សាកល្បងកាំជ្រួចមីស៊ីលល្បឿនលឿនជាងសំឡេងកាលពីខែមករា ។
អ្នកជំនាញនិយាយថា បណ្តាប្រទេសលោកខាងលិចអាចនឹងតាមពីក្រោយប្រទេសចិន និងរុស្ស៊ីក្នុងការអភិវឌ្ឍន៍អាវុធលឿនជាងសំឡេងនេះ ។
សម្ព័ន្ធភាព AUKUS ដឹកនាំដោយសហរដ្ឋអាមេរិកកំពុងផ្តល់ជំនួយបច្ចេកទេសដល់ប្រទេសអូស្ត្រាលីដើម្បីជួយឲ្យប្រទេសនេះសាងសង់នាវាមុជទឹកដើរដោយថាមពលនុយក្លេអ៊ែរ ។ បណ្តាប្រទេស AUKUS ក៏ប្តេជ្ញាសហការយ៉ាងជិតស្និទ្ធបន្ថែមទៀតលើសមត្ថភាពអ៊ីនធឺណិត បច្ចេកវិទ្យា AI និងបញ្ហាយោធាផ្សេងៗទៀតផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក ពិចារណាដាក់ទណ្ឌកម្មកូនស្រីទាំងពីររបស់លោក ពូទីន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល