ពិតទេ លោក Zelensky ត្រូវគេតាមធ្វើឃាត ហើយរុស្ស៊ីហ៊ានឲ្យរង្វាន់ដល់អ្នក ដែលសម្លាប់គាត់បាន?

វិមានក្រឹមឡាំងកាលពីថ្ងៃពុធទី០៦ខែមេសា បានបដិសេធថា ខ្លួនមិនចង់សម្លាប់ប្រធានាធិបតីអ៊ុយក្រែនលោក Volodymyr Zelensky ទេ ថ្វីបើមានរបាយការណ៍ថា ខ្លួនហ៊ានឲ្យរង្វាន់ចំពោះអ្នកដែលសម្លាប់គាត់ក៏ដោយ។

យោងតាមទីភ្នាក់ងារសារព័ត៌មានរដ្ឋ RIA Novosti បានឲ្យដឹងថា អ្នកនាំពាក្យវិមានក្រឹមឡាំង លោក Dmitry Peskov បានធ្វើការកត់សម្គាល់បែបនេះ ក្នុងអំឡុងសន្និសីទសារព័ត៌មានកាលពីថ្ងៃពុធ។

អ៊ុយក្រែននិយាយថា លោក Zelensky ត្រូវបានកំណត់គោលដៅម្តងហើយម្តងទៀតដោយអ្នកធ្វើឃាត ដែលមានទំនាក់ទំនងនឹងរុស្ស៊ីនៅក្នុងទីក្រុង កៀវ។

ទីប្រឹក្សារបស់លោក Zelensky ឈ្មោះ Mikhail Podolyak បានប្រាប់កាសែត Ukrayinska Pravda ថា គិតត្រឹមថ្ងៃទី១០ខែមីនា លោកជឿថាមានការប៉ុនប៉ងផ្តាច់ជីវិតលោក Zelenskyy ជាង១០លើកឯណោះ។ ទោះបីជាយ៉ាងណាក៏ លោកមិនបានផ្តល់ភស្តុតាងណាមួយនោះទេ។

នៅក្នុងករណីមួយ យោងតាមកាសែត The Times of London, ក្រុមពិឃាដ Chechen បានព្យាយាមធ្វើឃាតលោក Zelensky នៅជាយក្រុង កៀវ កាលពីថ្ងៃទី២៦ខែកុម្ភៈ។ របាយការណ៍នោះបាននិយាយដោយមិនលម្អិតថា ពួក Chechens ត្រូវបានកម្ចាត់ មុនពេលពួកគេអាចទៅដល់លោក Zelensky។

នៅដើមដំបូងនៃការលុកលុយ លោក Zelensky និយាយថា សត្រូវមានសកម្មភាពនៅក្នុងទីក្រុង កៀវ ហើយថា គាត់គឺជាគោលដៅលេខមួយរបស់ពួកគេ។

ក្រុមមួយក្នុងចំណោមក្រុមទាំងនោះ ហាក់ដូចជាក្រុម Wagner Group ដែលជាកងទ័ពឯកជនគ្រប់គ្រងដោយសម្ព័ន្ធមិត្តលោកពូទីនឈ្មោះ Yevgeny Prigozhin៕

ប្រែសម្រួល៖ Vann Vann

ប្រភព៖ Yahoo

ចុចអាន៖ មិនគួរឲ្យជឿ! អ៊ុយក្រែន ប្រើរថក្រោះតែមួយគ្រឿង បាញ់កម្ទេចក្បួនរថពាសដែក រុស្ស៊ី