អង់គ្លេស ធានាប្រាក់កម្ចីបន្ថែម ៥០០លានដុល្លារដល់ប្រទេស អ៊ុយក្រែន

បន្ទាប់ពីដំណើរទស្សនកិច្ចដ៏គួរឲ្យភ្ញាក់ផ្អើលរបស់នាយករដ្ឋមន្ត្រីអង់គ្លេសលោក Boris Johnson ទៅកាន់រដ្ឋធានី កៀវ នៃប្រទេសអ៊ុយក្រែន, វិមាន Downing Street បានចេញសេចក្តីថ្លែងការណ៍ថា ចក្រភពអង់គ្លេសនឹងធានាប្រាក់កម្ចីបន្ថែម ៥០០លានដុល្លារទៀតពីធនាគារពិភពលោកដល់ប្រទេសអ៊ុយក្រែន ដោយធ្វើឲ្យការធានាប្រាក់កម្ចីសរុបកើនដល់ទៅ១ពាន់លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចក្រភពអង់គ្លេសក៏នឹងបន្ធូរបន្ថយពន្ធ លើការនាំចូលភាគច្រើនពីអ៊ុយក្រែនផងដែរ ដើម្បីជួយសម្រួលការធ្វើពាណិជ្ជកម្ម។

ចំនួននេះគឺបន្ថែមពីលើរថពាសដែក ១២០គ្រឿង និងប្រព័ន្ធមីស៊ីលប្រឆាំងនាវាថ្មី ដែលចក្រភពអង់គ្លេសនឹងផ្តល់ជូនអ៊ុយក្រែន។

វិមាន Downing Street និយាយថា ជំនួយនេះគឺបន្ថែមលើ សម្ភារៈយោធាថ្នាក់ខ្ពស់ក្នុងទំហំទឹកប្រាក់ ១០០លានផោន ដែលបានប្រកាសកាលពីថ្ងៃសុក្រទី០៨ខែមេសា។

នៅក្នុងសេចក្តីថ្លែងការណ៍មួយដែលចេញផ្សាយបន្ទាប់ពីដំណើរទស្សនកិច្ចនេះ លោក Johnson បានសរសើរភាពជាអ្នកដឹកនាំដ៏ម៉ឺងម៉ាត់របស់ប្រធានាធិបតីអ៊ុយក្រែន និងវីរភាព និងភាពក្លាហានដែលមិនអាចកាត់ថ្លៃបានរបស់ប្រជាជនអ៊ុយក្រែន សម្រាប់ការរារាំងគោលបំណងដ៏អស្ចារ្យ របស់ប្រធានាធិបតីរុស្ស៊ី Vladimir Putin។

លោក Johnson និយាយថា “អ៊ុយក្រែនបានប្រឆាំង និងរុញច្រានកងកម្លាំងរុស្ស៊ីចេញពីច្រកទ្វារនៃទីក្រុងកៀវ ដោយសម្រេចបាននូវសមិទ្ធិផលអាវុធដ៏អស្ចារ្យបំផុតនៃសតវត្សរ៍ទី២១”។

“ខ្ញុំសូមបញ្ជាក់យ៉ាងច្បាស់នៅថ្ងៃនេះថា ចក្រភពអង់គ្លេសឈរដោយមិនងាករេជាមួយពួកគេនៅក្នុងការប្រយុទ្ធដែលកំពុងបន្តនេះ ហើយយើងនៅជាមួយអ៊ុយក្រែនរយៈពេលយូរ”៕

ប្រែសម្រួល៖ Vann Vann

ប្រភព៖ BBC

ចុចអាន៖ អ៊ុយក្រែន ប្រាប់ប្រទេសដទៃ ឲ្យយកគំរូតាមអង់គ្លេស