អ៊ុយក្រែន បាញ់ផ្លោងនៅតាមព្រំដែនរុស្ស៊ីវិញ បង្កឲ្យមានការជម្លៀស និងរបួសមនុស្សមួយចំនួន

យោងតាមអភិបាលនៃតំបន់ Belgorod របស់រុស្ស៊ីបានឲ្យដឹងថា ភូមិ Spodaryushino ត្រូវបានបាញ់ផ្លោងដោយអ៊ុយក្រែន ដែលជំរុញឲ្យមានការជម្លៀសប្រជាជន រួមជាមួយនឹងភូមិជិតខាងមួយទៀត ដែលបង្កឲ្យរបួសមនុស្សមួយចំនួន។

សរសេរនៅលើ Telegram លោក Vyacheslav Gladkov បាននិយាយថា គ្មាននរណាម្នាក់រងរបួសទេ ហើយមិនមានអគារលំនៅដ្ឋានណាមួយត្រូវខូចខាតឡើយ។

ការអះអាងនេះធ្វើឡើង បន្ទាប់ពីមន្ត្រីរុស្ស៊ីចោទប្រកាន់អ៊ុយក្រែនថា បានបើកការវាយប្រហារតាមអាកាសទៅលើតំបន់លំនៅដ្ឋានមួយផ្សេងទៀតនៅក្នុងទីក្រុង Klimovo នៃតំបន់ Bryansk។

កាល​ពី​ពីរ​សប្តាហ៍​មុន ឃ្លាំង​ប្រេង​មួយកន្លែង ​ក៏​ត្រូវ​ភ្លើងឆាប​ឆេះផងដែរ​នៅក្នុង​ទីក្រុង Belgorod ដោយរុស្ស៊ី​​អះអាង​ថា អ៊ុយក្រែន​ជាអ្នក​ទទួល​ខុស​ត្រូវ​ចំពោះ​រឿង​នោះ។

យ៉ាងណាក្តី BBC មិនអាចផ្ទៀងផ្ទាត់ថា តើអ្នកណាជាអ្នកទទួលខុសត្រូវចំពោះឧប្បត្តិហេតុទាំងនេះទេ ប៉ុន្តែអ៊ុយក្រែនបានបដិសេធចំពោះការវាយប្រហារឃ្លាំងប្រេង Belgorod៕

ប្រែសម្រួល៖ Vann Vann

ប្រភព៖ BBC

ចុចអាន៖ លិចនាវាចម្បាំងរុស្ស៊ីមួយគ្រឿង បន្ទាប់ពីអ៊ុយក្រែន អះអាងថា ខ្លួនជាអ្នកបាញ់