ព័ត៌មានអន្ដរជាតិ

បេសកកជនអាមេរិកទៅដល់សេអ៊ូលដើម្បីកិច្ចពិភាក្សាមីស៊ីលជាមួយកូរ៉េខាងជើង

បានផុស

២ years មុន

នៅ

ថ្ងៃចន្ទ ១៨ មេសា ២០២២

ដោយ

បេសកកជនអាមេរិកដើម្បីកូរ៉េខាងជើងបានទៅដល់ទីក្រុងសេអ៊ូលហើយនៅថ្ងៃចន្ទ ទី១៨ ខែមេសានេះដើម្បីកិច្ចពិភាក្សាជាមួយកូរ៉េខាងត្បូងអំពីមធ្យោបាយដោះស្រាយការបាញ់សាកល្បងងមីស៊ីលបន្តកើនឡើងរបស់ទីក្រុងព្យុងយ៉ាង។

តំណាងពិសេសរបស់សហរដ្ឋអាមេរិក លោក Sung Kim និងអនុប្រធានលោក Jung Pak នឹងជួបមន្ត្រីកូរ៉េខាងត្បូង រួមទាំងបេសកកជននុយក្លេអ៊ែរ លោក Noh Kyu-duk អំឡុងពេលដំណើរទស្សនកិច្ចរយៈពេល៥ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការមកដល់របស់ពួកគាត់ស្របគ្នានឹងការចាប់ផ្តើមនៃសមយុទ្ធយោធាប្រចាំឆ្នាំរួមគ្នារយៈពេល៩ថ្ងៃដោយកម្លាំងទ័ពអាមេរិក និងកូរ៉េខាងត្បូង។ អគ្គលេខាធិការចម្រុះរបស់កូរ៉េខាងត្បូងបាននិយាយកាលពីថ្ងៃអាទិត្យថា ការធ្វើសមយុទ្ធគឺជាការបញ្ជាដោយប្រព័ន្ធកុំព្យួទ័រពីក្រោយ។

កូរ៉េខាងជើងបានថ្កោលទោសចំពោះការធ្វើសមយុទ្ធរួមគ្នានេះថាជាការហាត់សមសម្រាប់សង្គ្រាម ហើយពួកគេត្រូវបានកាត់បន្ថយក្នុងរយៈពេលប៉ុន្មានឆ្នាំចុងក្រោយនេះក្នុងការប្រឹងប្រែងការទូតជាមួយទីក្រុងព្យុងយ៉ាង និងដោយសារការរឹតត្បិតបំរាមកូវីដ-១៩។

កាលពីថ្ងៃសៅរ៍ កូរ៉េខាងជើងបានបាញ់សាកល្បងមីស៊ីលដែលសារព័ត៌មានរដ្ឋបានផ្សាយជាអាវុធនុយក្លេអ៊ែរយុទ្ធសាស្ត្រ។

ទីភ្នាក់ងារព័ត៌មាន Yonhap បានផ្សាយថា នៅពេលទៅដល់ លោក Kim បានប្រាប់អ្នកកាសែតថា លោកស្ថិតនៅទីក្រុងសេអ៊ូលដើម្បីបន្តសម្របសម្រួលជិតស្និទ្ធលើការអភិវឌ្ឍកូរ៉េខាងជើង។

លោកមានប្រសាសន៍ថា លោកបើកចំហរកិច្ចពិភាក្សាជាមួយកូរ៉េខាងជើងគ្រប់ពេលវេលា និងដោយគ្មានលក្ខខណ្ឌទុកជាមុន ប៉ុន្តែទីក្រុងព្យុងយ៉ាងរហូតដល់ពេលនេះបានច្រានចោលសំណើរទាំងនោះ ដោយចោទប្រកាន់ទីក្រុងវ៉ាស៊ីនតោនពីបទរក្សាគោលជំហរអរិភាពដូចជាការដាក់ទណ្ឌកម្ម និងសមយុទ្ធជាដើម៕

ប្រែសម្រួល៖ វីរបុត្រ
ប្រភព៖ Reuters