ព័ត៌មានអន្ដរជាតិ
ឥណ្ឌាចេញតួលេខស្លាប់ដោយកូវីដថ្មី មុនពេល WHO ចេញថ្ងៃព្រហស្បតិ៍
ប្រទេសឥណ្ឌាបានចេញតួលេខអ្នកស្លាប់ដោយជំងឺកូវីដ-១៩ក្នុងឆ្នាំ២០២០ ប្រមាណ ៤៧៥ ០០០នាក់ ដែលតួលេខនេះច្រើនជាងតួលេខផ្លូវការកាលពីឆ្នាំមុន និងមុនពេលអង្គការសុខភាពពិភពលោកដែលគ្រោងចេញនាថ្ងៃព្រហស្បតិ៍។
យោងតាមទិន្នន័យរបស់រដ្ឋាភិបាលបានបង្ហាញកាលពីថ្ងៃអង្គារ៍ ទី៣ ខែឧសភា គឺជាការចេញមុនកាលកំណត់ច្រើនខែ ខណៈអង្គការសុខភាពពិភពលោក (WHO) បានត្រៀមរួចរាល់ហើយដើម្បីបញ្ចេញពីតួលេខដែលខ្លួនបានកំណត់តាមវិធីសាស្ត្ររបស់ខ្លួន ប៉ុន្តែវិធីសាស្ត្រនោះត្រូវបានរដ្ឋាភិបាលឥណ្ឌាមិនទទួលស្គាល់។
អ្នកជំនាញមួយចំនួនបានធ្វើការប៉ាន់ស្មានថា តួលេខស្លាប់ដោយកូវីដ-១៩របស់ប្រទេសគឺខ្ពស់ខ្លាំងអាចដល់៤លាននាក់ពោលគឺខ្ពស់ជាងតួលេខផ្លូវការដល់ទៅ៨ដង ជាពិសេសរលកជាប់កំណត់ត្រាវាយប្រហារខ្លាំងដោយវីរុសបំប្លែងខ្លួន Delta បានសម្លាប់មនុស្សច្រើនណាស់ចន្លោះខែមេសា និងឧសភា កាលពីឆ្នាំមុន។ តួលេខប៉ាន់ស្មានរបស់ WHO គ្រោងនឹងចេញផ្សាយនៅថ្ងៃព្រហស្បតិ៍។
លោក Vinod Kumar Paul មន្ត្រីសុខាភិបាលកំពូលដែលទទួលបន្ទុកក្នុងការប្រយុទ្ធនឹងជំងឺកូវីដរបស់ឥណ្ឌាបាននិយាយថា គ្មានអ្វីគួរឲ្យចម្លែកទេនៅក្នុងទិន្នន័យមរណភាពសរុបសម្រាប់ឆ្នាំ២០២០ និងថា ចំនួនទាំងនោះគឺត្រឹមត្រូវទាំងស្រុង។
លោកបាននិយាយថា ទិន្នន័យដែលបង្ហាញពីលេខស្លាប់ចំនួន ៨.១លាននាក់នៅឥណ្ឌាក្នុងឆ្នាំ២០២០ត្រូវបានចេញដោយការិយាល័យអត្រានុកូលដ្ឋានពីរទៅបីខែមុន ដោយសារតែផ្តោតអារម្មណ៍លើតូលេខកូវីដរបស់ប្រទេស។
លោកបានប្រាប់ថា ៖«មានការជជែកជាសាធារណៈនៅក្នុងប្រព័ន្ធផ្សព្វផ្សាយ ដែលផ្អែកលើការប៉ាន់ស្មានគំរូផ្សេងៗថា ការស្លាប់ដោយកូវីដរបស់ឥណ្ឌាគឺមានច្រើនជាងតួលេខផ្លូវការនោះ គឺមិនមែនជាការពិតទេ»។
«ឥឡូវនេះ យើងមានទិន្នន័យពិតប្រាកដពីឆ្នាំ២០២០ មិនមានតម្រូវការឲ្យធ្វើគំរូណាមួយទេឥឡូវនេះ។ យើងមានទិន្នន័យជាក់ស្តែងសម្រាប់ឆ្នាំ២០២១ដែរ។ ការធ្វើគំរូអាចនាំឲ្យមានការប៉ាន់ស្មានហួសហេតុ»។ លោកបានបញ្ជាក់។
ទិន្នន័យបានបង្ហាញថា ចំនួនអ្នកស្លាប់ក្នុងប្រទេសដែលមានប្រជាជន១.៣៥ប៊ីលាននាក់កាលពីឆ្នាំ២០២០គឺកើនឡើងយឹតជាងពីរឆ្នាំមុន។
ក្នុងឆ្នាំ២០២០ ឥណ្ឌាបានចុះបញ្ជីអ្នកស្លាប់ដោយកូវីដជាផ្លូវការចំនួន ១៤៨ ៧៣៨នាក់ ប៉ុន្តែតួលេខចេញផ្សាយផ្លូវការនៅថ្ងៃអង្គារ៍ ទី៣ ខែឧសភានេះ គឺចំនួន ៥២៣ ៨៨៩ នាក់ និងអ្នកឆ្លងចំនួន ៤៣លាននាក់។ មានតែអាមេរិក និងប្រេស៊ីលដែលមានអ្នកស្លាប់ច្រើនជាង។
ប្រទេសទូទាំងពិភពលោកបានរាយការណ៍ពីអ្នកស្លាប់ដោយកូវីដកាលពីឆ្នាំ២០២០ គឺចំនួន ១.៨៣លាននាក់ ប៉ុន្តែ WHO បានប៉ាន់ស្មានថា ហោចណាស់ណាស់ចំនួន៣លាននាក់៕
ប្រែសម្រួល៖ វីរបុត្រ
ប្រភព៖ Reuters
តុលាការ ឥណ្ឌា ហាមប្រាមប្រជាជនមូស្លីម មុនការបោះឆ្នោត
ទីក្រុងហាណូយ ជួបគ្រោះរញ្ជួយដីកម្រិត ៤រ៉ិចទ័រ
ចិន-ឥណ្ឌូណេស៊ី រួមបេសកកម្មជ្រមុជនាវាមុជទឹកបានជ្រៅបំផុតក្នុងកំណត់ត្រា
អគ្គនាយកអន្តោប្រវេសន៍៖ លំហូរពលករវិលមកប្រទេសវិញ នឹងមានកំណើនខ្ពស់ជាងឆ្នាំមុនៗ នាឱកាសចូលឆ្នាំខ្មែរ
រដ្ឋបាលខេត្តបន្ទាយមានជ័យ ក្រើនរំលឹកដល់យុវជនត្រូវគោរពតម្លៃប្រពៃណីជាតិ ឱកាសសប្បាយចូលឆ្នាំថ្មី
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ២ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៧ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល