ព័ត៌មានអន្ដរជាតិ
Putin បញ្ជាក់ ២ចំណុច ដែលលោកខាងលិច អាចជួយបញ្ចប់សង្រ្គាមនៅអ៊ុយក្រែន បាន
ប្រធានាធិបតីរុស្ស៊ី លោក Vladimir Putin បាននិយាយថា លោកខាងលិចអាចជួយបញ្ចប់សង្រ្គាមនៅអ៊ុយក្រែនបាន ដោយទី១ដាក់សម្ពាធបន្ថែមលើលោកប្រធានាធិបតី Volodymyr Zelensky និងទី២ បញ្ឈប់ការផ្តល់អាវុធដល់កងកម្លាំងអ៊ុយក្រែន។
មេដឹកនាំរុស្ស៊ី បានគូសបញ្ជាក់ថា ទីក្រុងមូស្គូ បើកចំហចំពោះកិច្ចពិភាក្សាជាមួយ អ៊ុយក្រែន ជានិច្ច។
លោក Putin បានលើកឡើងបែបនេះ ក្នុងកិច្ចពិភាក្សាតាមទូរសព្ទជាលើកដំបូងក្នុងរយៈពេលជាងមួយខែ ជាមួយប្រធានាធិបតីបារាំងលោក Emmanuel Macron។
ស្របពេលជាមួយគ្នានោះដែរ មេដឹកនាំបារាំង បានអំពាវនាវម្តងទៀតឲ្យមានបទឈប់បាញ់ និងការចរចា ដើម្បីបញ្ចប់សង្គ្រាម។ លោក Macron បានស្នើឲ្យលោក Putin អនុញ្ញាតឲ្យមានការជម្លៀសមនុស្សបន្ថែមទៀតនៅក្នុងទីក្រុង Mariupol ដែលឡោមព័ទ្ធ។
យោងតាមសេចក្តីថ្លែងការណ៍របស់វិមាន អេលីសេ, លោក Macron បានអំពាវនាវដល់លោក Putin ឲ្យបញ្ចប់សង្រ្គាមរបស់រុស្ស៊ី ហើយនិយាយថា លោកបានត្រៀមខ្លួនរួចជាស្រេចដើម្បីជួយសម្រេចឲ្យបាននូវដំណោះស្រាយចរចា ចំពោះជម្លោះដែលគោរពអធិបតេយ្យភាពរបស់អ៊ុយក្រែន។
គួរបញ្ជាក់ថា ប្រធានាធិបតីបារាំងដែលទើបឈ្នះការបោះឆ្នោតអាណត្តិទី២កាលពីខែមុនរូបនេះ បានពិភាក្សាជាមួយលោក Putin ជាច្រើនដងមកហើយ ចាប់តាំងពីរុស្ស៊ីលុកលុយអ៊ុយក្រែន។
លោក Macron និយាយថា លោកមានលទ្ធភាពធ្វើការជាមួយ អង្គការអន្តរជាតិដែលមានសមត្ថកិច្ច ដើម្បីជួយដកការបិទច្រកសមុទ្រខ្មៅរបស់អ៊ុយក្រែន ដែលអនុញ្ញាតឲ្យបន្តការនាំចេញស្បៀងអាហារឡើងវិញ៕
ប្រែសម្រួល៖ Vann Vann
ប្រភព៖ BBC
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២១ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore