ព័ត៌មានអន្ដរជាតិ

អាវុធក្លាយជាមូលហេតុឈានមុខគេក្នុងការស្លាប់កុមារនៅអាមេរិក

បានផុស

១ ខែ មុន

នៅ

ថ្ងៃសុក្រ ២៧ ឧសភា ២០២២

ដោយ

អាវុធបាននាំមុខគ្រោះថ្នាក់ចរាចរណ៍សម្រាប់មូលហេតុនៃការស្លាប់មនុស្សវ័យក្មេងនៅសហរដ្ឋអាមេរិក។ ទិន្នន័យផ្លូវការបង្ហាញថា ការកើនឡើងយ៉ាងខ្លាំងនៃឃាតកម្មពាក់ព័ន្ធនឹងអាវុធដូចជាការបាញ់ប្រហារសម្លាប់កុមារ១៩នាក់នៅសាលារៀន Texas ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជារួម កុមារ និងក្មេងជំទង់ចំនួន៤៣៦៨នាក់ដែលមានអាយុរហូតដល់១៩ឆ្នាំបានស្លាប់ដោយសារអាវុធក្នុងឆ្នាំ២០២០ ដែលអត្រាជាមធ្យម៥.៤នាក់ក្នុងចំណោម១០ម៉ឺននាក់ដែលបង្ហាញដោយមជ្ឈមណ្ឌលគ្រប់គ្រង និងបង្ការជំងឺ (CDC) របស់អាមេរិក។ ឃាតកម្មបានកើតមានឡើងជិត២ភាគ៣នៃការស្លាប់ដោយសារកាំភ្លើង។

បើប្រៀបធៀបគ្នា ការស្លាប់ចំនួន៤០៣៦នាក់ពាក់ព័ន្ធនឹងគ្រោះថ្នាក់ចរាចរណ៍ដែលពីមុនជាមូលហេតុឈានមុខគេក្នុងចំណោមការស្លាប់ក្រុមមនុស្សអាយុនេះ។

ចំនួនស្លាប់ដោយគ្រោះថ្នាក់ចរាចរណ៍បានថយចុះដោយសារវិធានការសុវត្ថិភាពចរាចរណ៍កាន់តែមានលក្ខណៈល្អប្រសើរក្នុងរយៈប៉ុន្មានទសវត្សរ៍កន្លងទៅ ខណៈការស្លាប់ពាក់ព័ន្ធនឹងអាវុធបានកើនឡើង។

ការរកឃើញត្រូវបានបង្ហាញក្នុងលិខិតមួយច្បាប់ទៅកាន់ទិនានុប្បវត្តិវេជ្ជសាស្ត្រអង់គ្លេស (NEJM) កាលពីសប្តាហ៍មុនថា បន្ទាត់និន្នាការបានឆ្លងក្នុងឆ្នាំ២០២០ ដែលជាឆ្នាំចុងក្រោយបង្អស់សម្រាប់ទិន្នន័យដែលអាចរកបាន។

អ្នកសរសេរលិខិតនោះបានកត់សំគាល់ថា ទិន្នន័យថ្មីគឺស្របជាមួយនឹងភស្តុតាងផ្សេងទៀតដែលហិង្សាអាវុធបានកើនឡើងអំឡុងពេលការរាតត្បាតដោយជំងឺកូវីដ-១៩ ដែលមិនមែនជាហេតុផលច្បាស់លាស់ទេ ប៉ុន្តែក៏មិនអាចសន្មត់ថា វានឹងល្អប្រសើរវិញដែរ ក្រោយវិបត្តិកូវីដ-១៩។

ទិន្នន័យរបស់ CDC ដែលបានធ្វើបច្ចុប្បន្នភាពថ្មីបង្ហាញថា ជិត៣០%នៃការស្លាប់គឺឃាតកម្ម ជាង៣%គឺដោយអចេតនា និង២%ដោយចេតនាមិនច្បាស់លាស់៕

ប្រែសម្រួល៖ វីរបុត្រ
ប្រភព៖ AFP

Related Topics:សហរដ្ឋអាមេរិក