Connect with us

ព័ត៌មានអន្ដរជាតិ

លោក Zelensky ទទួលស្គាល់ថា ការប្រយុទ្ធទប់ រុស្ស៊ី នៅតំបន់ភាគខាងកើត ពិតជាលំបាក

បានផុស

នៅ

ប្រធានាធិបតីអ៊ុយក្រែនលោក Volodymyr Zelensky បានទទួលស្គាល់អំពីស្ថានភាពដ៏លំបាក និងពិបាកពណ៌នានៅតំបន់ Donbas និងតំបន់ Kharkiv ភាគខាងកើត បើទោះបីជាកងកម្លាំងការពារជាតិរបស់ខ្លួនកំពុងបន្តប្រយុទ្ធការពារក៏ដោយ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Zelensky បាននិយាយនៅក្នុងវីដេអូដែលចេញផ្សាយកាលពីថ្ងៃសៅរ៍ថា កងកម្លាំងរុស្ស៊ីកំពុងផ្តោតការខិតខំប្រឹងប្រែងវាយលុករបស់ពួកគេទៅលើទីក្រុង Severodonetsk និងទីក្រុងមួយចំនួនទៀតដែល​ជា​បន្ទាយ​ចុងក្រោយ​របស់​អ៊ុយក្រែន​ក្នុង​តំបន់ Luhansk ។

លោកប្រធានាធិបតីក៏បានសម្ដែងការក្រៀមក្រំផងដែរចំពោះការបាញ់ផ្លោងរបស់រុស្ស៊ីនៅជិតសាលាមត្តេយ្យមួយកន្លែងក្នុងទីក្រុង Mykolaiv កាលពីថ្ងៃសៅរ៍ដោយបានសម្លាប់មនុស្សម្នាក់ និង ៧ នាក់ផ្សេងទៀតរងរបួស ។

ទោះជាយ៉ាងណាលោក Zelensky បានគូសបញ្ជាក់ថា “អ៊ុយក្រែនពិតជានឹងយកមកវិញនូវអ្វីគ្រប់យ៉ាងដែលជាកម្មសិទ្ធិរបស់ខ្លួន ប៉ុន្តែបញ្ហាចំពោះមុខរបស់យើងគឺពេលវេលា ហើយយើងកំពុងធ្វើអ្វីគ្រប់យ៉ាងដែលអាចធ្វើទៅបាន” ។

ជាចុងក្រោយលោក​បាន​បញ្ជាក់​ជា​ថ្មី​ថា អ្វីគ្រប់យ៉ាង​អាស្រ័យ​លើ​ដៃគូរបស់យើង ជាពិសេសប្រទេស​ផ្តល់អាវុធ​ឲ្យ​អ៊ុយក្រែន ព្រោះវាជាភាព​ចាំបាច់​ដើម្បី​ការពារ​សេរីភាព​របស់ប្រទេស ក៏ដូចជាប្រជាជនអ៊ុយក្រែន ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ពូទីន ចាំតែបើកផ្លូវនាំចេញគ្រាប់ធញ្ញជាតិ អ៊ុយក្រែន ប៉ុណ្ណោះ បើលោកខាង លិចព្រមតាមការទាមទាររបស់ រុស្ស៊ី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម