ទីក្រុងធំបំផុតរបស់ អាមេរិក រកឃើញជំងឺអុតស្វាលើកដំបូង

អាជ្ញាធរសុខាភិបាលសហរដ្ឋអាមេរិកបាននិយាយថា ទីក្រុងវ៉ាស៊ីនតោនឌីស៊ីកាលពីថ្ងៃអាទិត្យបានរាយការណ៍ពីការរកឃើញជំងឺអុតស្វាលើកដំបូងលើអ្នកដំណើរទើបមកពីអឺរ៉ុប ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរសុខាភិបាលបាននិយាយនៅក្នុងសេចក្តីថ្លែងការណ៍មួយថា “បច្ចុប្បន្នអ្នកជំងឺកំពុងនៅដាច់ដោយឡែក ហើយមិនបង្កគ្រោះថ្នាក់ដល់សាធារណជននោះទេ” ។

សេចក្តីថ្លែងការណ៍បាននិយាយថា “មជ្ឈមណ្ឌលបង្ការ និងទប់ស្កាត់ជំងឺអាមេរិក (CDC) កំពុងកំណត់អត្តសញ្ញាណ និងតាមដានទំនាក់ទំនងជិតស្និទ្ធ ។ ទោះបីជាយ៉ាងណាក៏ដោយ នៅពេលនេះ មិនមានករណីបន្ថែមណាមួយត្រូវបានរកឃើញនៅក្នុងទីក្រុងនោះទេ” ។

កាល​ពី​ថ្ងៃ​សុក្រ CDC បាន​និយាយ​ថា ​ចំនួន​ករណី​កើត​ជំងឺ​អុតស្វា​បាន​កើន​ឡើង​ច្រើន​ជាង​ ២ ដង​ក្នុង​​សប្តាហ៍​កន្លង​ទៅ ពោលកើនដល់ ២០ ករណីនៅ​ទូទាំង ១១ រដ្ឋ ។

បច្ចុប្បន្នសហរដ្ឋអាមេរិកមានវ៉ាក់សាំងចំនួន ២ នៅក្នុងស្តុកជាតិដើម្បីប្រយុទ្ធប្រឆាំងនឹងជំងឺអុតស្វា ហើយ CDC ក៏បានចាប់ផ្តើមចែកចាយវ៉ាក់សាំងទាំងនេះទៅកាន់រដ្ឋនានាហើយផងដែរ ។

គួរបញ្ជាក់ថា ជំងឺអុតស្វាជាធម្មតាចាប់ផ្តើមដោយរោគសញ្ញាដូចជំងឺគ្រុនផ្តាសាយ និងហើមកូនកណ្តុរ មុនពេលចាប់ផ្តើមលេចកន្ទួលនៅលើមុខ និងរាងកាយ ហើយរោគសញ្ញានេះអាចចេញរហូតដល់ ២១ ថ្ងៃ បន្ទាប់ពីការប៉ះពាល់ផ្ទាល់អ្នកឆ្លងផ្សេងទៀត ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មិនដល់ ១ ខែផង ជំងឺអុតស្វា វាយប្រហារ ២៧ ប្រទេស មានអ្នកឆ្លងដល់ ៧៨០ ករណី