មិនដល់១ខែផង ជំងឺអុតស្វា វាយប្រហារ២៧ប្រទេស មានអ្នកឆ្លងដល់ ៧៨០ករណី (មានវីដេអូ)

អង្គការសុខភាពពិភពលោក (WHO) បាននិយាយថា គិតត្រឹមថ្ងៃអាទិត្យទៅ០៥ខែមិថុនា មានករណីជំងឺស្វាចំនួន៧៨០ករណីហើយ ដែលត្រូវបានរកឃើញនៅខាងក្រៅទ្វីបអាហ្វ្រិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នោះគឺជាការកើនឡើង ១គុណនឹង៣នៃករណីចំនួន២៥៧ ដែលបានរាយការណ៍កាលពីមួយសប្តាហ៍មុន។

ស្របពេលជាមួយគ្នានោះដែរ WHO បានវាយតម្លៃកម្រិតហានិភ័យជាសកលថា មានកម្រិតមធ្យម។

ជាធម្មតា ការឆ្លងគឺមានកម្រិតស្រាល ប៉ុន្តែនេះជាលើកដំបូងហើយ ដែលមេរោគអុតស្វា បានរីករាលដាលយ៉ាងទូលំទូលាយនៅខាងក្រៅតំបន់អាហ្វ្រិកកណ្តាល និងអាហ្វ្រិកខាងលិច។

យោងតាម WHO, ករណីទាំងនេះ ត្រូវបានគេរកឃើញនៅក្នុងប្រទេសចំនួន២៧។ ករណីភាគច្រើនគឺនៅអឺរ៉ុប និងអាមេរិកខាងជើង ក៏ដូចជាចំនួនតិចតួចនៅម៉ិកស៊ិក អាហ្សង់ទីន ម៉ារ៉ុក និង អារ៉ាប់រួមផងដែរ។

ចក្រភព​អង់គ្លេស​មាន​ករណី​ច្រើន​ជាង​គេ​គឺ​២០៧​ករណី បន្ទាប់មកគឺ​អេស្ប៉ាញ​មាន​១៥៦​ករណី និង​ព័រទុយហ្គាល់​មាន​១៣៨​ករណី។

គួរបញ្ជាក់ថា ជួនកាល ជំងឺអុតស្វា អាចធ្ងន់ធ្ងរ ហើយត្រូវបានគេរាយការណ៍ថា បណ្តាលឲ្យមានមនុស្សស្លាប់នៅអាហ្វ្រិកខាងលិច កាលពីអតីតកាល៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ WHO ព្រមានថា ករណីជំងឺអុតស្វា នឹងកើនឡើងកាន់តែច្រើន ទូទាំងពិភពលោក