Connect with us

ព័ត៌មានអន្ដរជាតិ

រដ្ឋ​​មន្ត្រី​​សុខាភិបាល​ និង​​អភិបាល​​ក្រុង​ហាណូយ​​ត្រូវ​​បាន​​បណ្តេញ​​ចេញ​​ពី​បក្សកុម្មុយនិស្ត​វៀតណាម​

បានផុស

នៅ

រដ្ឋមន្ត្រីក្រសួងសុខាភិបាលវៀតណាម និងអភិបាលក្រុងហាណូយត្រូវបានបណ្តេញចេញពីសមាជិកភាពបក្សកុម្មុយនិស្តវៀតណាម បន្ទាប់ពីត្រូវបានចោទប្រកាន់ពីបទអំពើពុករលួយពាក់ព័ន្ធនឹងឧបករណ៍ធ្វើតេស្តកូវីដ-១៩ដែលមានទឹកប្រាក់១៧២លានដុល្លារអាមេរិក។

ការបណ្តេញចេញធ្វើឡើងនៅប្រទេសកុម្មុយនិស្តមួយនេះបង្កើនការប្រយុទ្ធប្រឆាំងនឹងអំពើពុករលួយ បន្ទាប់ពីមានរឿងអាស្រូវនៅក្រុមហ៊ុន Viet A ដែលក្នុងនោះមន្ត្រីត្រូវបានសូកប៉ាន់ដើម្បីផ្គត់ផ្គង់ឧបករណ៍តេស្តកូវីដ-១៩ដែលមានតម្លៃថ្លៃហួសប្រមាណដល់មន្ទីរពេទ្យ។

លោក Chu Ngoc Anh និង​លោក Nguyen Thanh Long
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការផ្សាយរបស់សារព័ត៌មានរដ្ឋវៀតណាមថា រដ្ឋមន្ត្រីក្រសួងសុខាភិបាល លោក Nguyen Thanh Long និងអភិបាលក្រុងហាណូយ លោក Chu Ngoc Anh ទាំងពីរនាក់ត្រូវបានចោទប្រកាន់ពីការប្រព្រឹត្តខុសពាក់ព័ន្ធនឹងរឿងអាស្រូវក្រុមហ៊ុនបច្ចេកវិទ្យា Viet A Technologies។

គណៈកម្មាធិការមជ្ឈិមបក្សកុម្មុយនិស្តវៀតណាមបាននិយាយក្នុងសេចក្តីថ្លែងការណ៍មួយចេញផ្សាយនៅលើគេហទំព័រផ្លូវការរបស់ខ្លួនថា ៖«គណៈកម្មាធិការមជ្ឈិមបក្សបានធ្វើការសម្រេចក្នុងការបណ្តេញចេញពីគណបក្ស គឺលោក Chu Ngoc Anh និងលោក Nguyen Thanh Long»។

ឡូវនេះ បុរសទាំងពីរអាចប្រឈមនឹងការចោទប្រកាន់​ពី​បទឧក្រិដ្ឋ។ លោក Long និង Ngoc Anh ដែលជាអតីតរដ្ឋមន្ត្រីក្រសួងថាមពល និងបច្ចេកវិទ្យា បានកាន់តំណែងរដ្ឋមន្ត្រីក្រសួងសុខាភិបាលកាលពីឆ្នាំ២០២០។

ការកម្ចាត់អំពើពុករលួយថ្មីៗនេះរបស់ទីក្រុងហាណូយបានធ្វើលើបុគ្គលិកលេចធ្លោមួយចំនួនក្នុងនោះមានទាំងលោក Phan Quoc Viet អគ្គនាយកក្រុមហ៊ុន Viet A ផងដែរ។

លោកប្រឈមនឹងបទចោទប្រកាន់ពីការសូកប៉ាន់មន្ត្រីសុខាភិបាលដើម្បីលក់ឧបករណ៍តេស្តរបស់ក្រុមហ៊ុនទៅឲ្យមន្ទីរពេទ្យ និងមន្ទីរសុខាភិបាលខេត្ត ក៏​ដូច​ជា​មជ្ឈមណ្ឌល​​គ្រប់គ្រងជំងឺ (CDC) នៅក្នុងតម្លៃខ្ពស់ខ្លាំងជាងតម្លៃផលិតពោលគឺតម្លៃ១៧២លានដុល្លារ។

មន្ត្រីសុខាភិបាល CDC ជាច្រើនរូបទៀតក៏ត្រូវបានចាប់ខ្លួនក្នុងពេលប៉ុន្មានខែចុងក្រោយនេះដែលត្រូវបានចោទប្រកាន់ពីការពាក់ព័ន្ធ និងអនុម័តចំពោះការផលិត ក៏ដូចជាប្រើប្រាស់ឧបករណ៍តេស្តកូវីដ-១៩ របស់ក្រុមហ៊ុន Viet A៕

ប្រែសម្រួល៖ វីរបុត្រ
ប្រភព៖ AFP

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៨ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៨ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១១ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១២ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម