ព័ត៌មានអន្ដរជាតិ
ជនចំណាកស្រុករាប់ពាន់នាក់ ចាប់ផ្តើមដើរក្បួន ឆ្ពោះទៅអាមេរិក
ជនចំណាកស្រុករាប់ពាន់នាក់ ដែលភាគច្រើនមកពីប្រទេសវេណេស៊ុយអេឡា បានចេញដំណើរពីភាគខាងត្បូងប្រទេសម៉ិកស៊ិកកាលពីព្រឹកថ្ងៃចន្ទទី០៦ខែមិថុនា ក្នុងគោលបំណងឆ្ពោះទៅកាន់សហរដ្ឋអាមេរិក ដោយពួកគេបានកំណត់ពេលធ្វើដំណើរឲ្យស្របទៅនឹងកិច្ចប្រជុំកំពូលអាមេរិកនៅទីក្រុង Los Angeles ក្នុងសប្តាហ៍នេះ។
សកម្មជនធ្វើចំណាកស្រុកបាននិយាយថា ក្រុមនេះអាចជាក្រុមជនចំណាកស្រុកដ៏ធំបំផុតមួយក្នុងតំបន់ នារយៈពេលប៉ុន្មានឆ្នាំចុងក្រោយ។
យោងតាម Reuters, មនុស្សយ៉ាងតិច ៦០០០នាក់ បានចាកចេញពីទីក្រុងព្រំដែន Tapachula។ យ៉ាងណាក្តី វិទ្យាស្ថានជាតិសម្រាប់ការធ្វើចំណាកស្រុករបស់ប្រទេសម៉ិកស៊ិក មិនបានផ្តល់នូវការប៉ាន់ស្មានទំហំរបស់ក្រុមនេះទេ ហើយក៏មិនបានធ្វើការអត្ថាធិប្បាយបន្ថែមលើក្បួននេះដែរ។
រូបភាពរបស់ Reuters បានបង្ហាញ ជនចំណាកស្រុក រួមទាំងកុមារជាច្រើននាក់ បានចាប់ផ្តើមដំណើររបស់ពួកគេតាំងពីព្រឹកព្រលឹមក្រោមភ្លៀងធ្លាក់ ហើយបានធ្វើដំណើរឆ្លងកាត់ផ្លូវជាច្រើន ដោយខ្លះពាក់អាវភ្លៀង និងកាន់ឆ័ត្រ។
លោក Luis Garcia Villagran អ្នករៀបចំកម្មវិធីដើរក្បួនបាននិយាយថា ក្រុមនេះតំណាងឲ្យជាតិសាសន៍ផ្សេងៗ ដែលភៀសខ្លួនចេញពីភាពលំបាកនៅក្នុងប្រទេសកំណើតរបស់ពួកគេ រួមទាំងមនុស្សជាច្រើនមកពីប្រទេស វេណេស៊ុយអេឡា ផងដែរ។
ប្រធានាធិបតីសហរដ្ឋអាមេរិកលោក Joe Biden ត្រូវបានគេរំពឹងថា នឹងប្រកាសពីកិច្ចព្រមព្រៀងក្នុងតំបន់ស្តីពីការធ្វើចំណាកស្រុកនៅចុងសប្តាហ៍នេះ។
គួរបញ្ជាក់ថា ក្បួនធ្វើចំណាកស្រុកធំៗឆ្ពោះទៅសហរដ្ឋអាមេរិក ក៏បានធ្វើដំណើរឆ្លងកាត់ប្រទេសម៉ិកស៊ិកផងដែរក្នុងឆ្នាំ ២០១៨ និង ២០១៩ ដែលភាគច្រើនជាអ្នកមកពីតំបន់អាមេរិកកណ្តាល៕
ប្រែសម្រួល៖ Vann Vann
ប្រភព៖ Yahoo
ចុចអាន៖ លិចទូកនៅម៉ាឡេស៊ី ស្លាប់ជនចំណាកស្រុកឥណ្ឌូណេស៊ី ១១ នាក់ ខណៈ ២៥ នាក់ បាត់ខ្លួន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?