ព័ត៌មានអន្ដរជាតិ
លោក Zelensky ឲ្យពិភពលោកជួយ តៃវ៉ាន់ ផង (មានវីដេអូ)
ប្រធានាធិបតីអ៊ុយក្រែនលោក Volodymyr Zelensky កាលពីថ្ងៃអង្គារបានអំពាវនាវឲ្យពិភពលោកចាត់វិធានការទុកជាមុនដើម្បីទប់ស្កាត់ការឈ្លានពានរបស់ប្រទេសចិនលើកោះតៃវ៉ាន់ ។
បន្ទាប់ពីថ្លែងសុន្ទរកថានៅកិច្ចប្រជុំ Shangri-La តាមរយៈវីដេអូ លោក Zelensky បានអះអាងថា អ៊ុយក្រែនគឺជាមេរៀនស្រាប់សម្រាប់ពិភពលោក ហើយវាចាំបាច់ណាស់ក្នុងការរៀបចំទប់ស្កាត់សង្គ្រាម ។
លោកបានព្រមានថា សហគមន៍អន្តរជាតិបច្ចុប្បន្នកំពុងផ្តល់លទ្ធភាពឲ្យមេដឹកនាំដែលមានមហិច្ឆតាចង់បង្កសង្គ្រាម ដូច្នេះហើយលោកបានអំពាវនាវឲ្យមានដំណោះស្រាយការទូតសម្រាប់ប្រទេសនានាដែលត្រូវការការគាំទ្រ និងកុំទុកពួកគេឲ្យនៅពីក្រោមសម្ពាធរបស់ប្រទេសផ្សេងដែលមានឥទ្ធិពលខ្លាំងជាងទាក់ទងនឹងកម្លាំងហិរញ្ញវត្ថុ ទឹកដី និងយោធារបស់ពួកគេ ។
លោក Zelensky បានសង្កត់ធ្ងន់ថា “ប្រសិនបើមានផ្លូវការទូត យើងត្រូវប្រើមធ្យោបាយនេះឲ្យហើយ មិនមែនទាល់តែមានអរិភាពទើបចាប់ផ្តើមការទូតនោះទេ ហើយបើសង្គ្រាមផ្ទុះឡើងមែននោះ អាចមានជនភៀសខ្លួនរាប់លាននាក់ដែលស្រដៀងទៅនឹងលទ្ធផលនៃការលុកលុយរបស់រុស្ស៊ីលើអ៊ុយក្រែន ។
ជាចុងក្រោយលោកប្រធានាធិបតី Zelensky បញ្ជាក់ថា “ពិភពលោកត្រូវតែប្រើគ្រប់វិធានការបង្ការទុកជាមុនប្រឆាំងនឹងមនុស្សបែបនេះ ទើបមិនមានសង្គ្រាមណាមួយផ្ទុះឡើង” ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Taiwan News
ចុចអាន ៖ អាមេរិក បង្ហាញខ្ទង់ចំណាយក្នុងមួយខែៗលើរដ្ឋាភិបាល អ៊ុយក្រែន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង