ផ្អើលពេញយន្តហោះ អ្នកដំណើរម្នាក់ប្រកាច់ស្លាប់ដោយសារជំងឺកូវីដ១៩អំឡុងពេលធ្វើដំណើរ
Connect with us
Helistar Cambodia - Helicopter Charter Services

ព័ត៌មានអន្ដរជាតិ

ផ្អើលពេញយន្តហោះ អ្នកដំណើរម្នាក់ប្រកាច់ស្លាប់ដោយសារជំងឺកូវីដ១៩អំឡុងពេលធ្វើដំណើរ

Published

on

អ្នកដំណើរក្នុងយន្តហោះដែលមានមនុស្សណែនណាន់តាន់តាប់បានភ័យស្លន់ស្លោហើយនាំគ្នាទាញទូរស័ព្ទមកថតហេតុការណ៍នេះមុនពេលពួកគេឃើញគ្រូពេទ្យព្យាយាមជួយសង្គ្រោះអ្នកដំណើរម្នាក់ដែលត្រូវបានប្រកាសថាស្លាប់ភ្លាមៗបន្ទាប់ពីយន្តហោះធ្វើការចុះចតជាបន្ទាន់នៅក្នុងទីក្រុង New Orleans។

ក្រុមគ្រូពេទ្យដែលត្រូវបានអនុញ្ញាតឲ្យឡើងយន្តហោះនៅពេលយន្តហោះចុះចតបានព្យាយាមជួយសង្គ្រោះជីវិតគាត់ខណៈពេលដែលប្រពន្ធរបស់គាត់និយាយថា ប្តីរបស់នាងបានបង្ហាញរោគសញ្ញានៃជំងឺកូវីដ១៩កាលពីមួយសប្តាហ៍មុនពោលគឺគាត់ញ៉ាំអ្វីលែងដឹងឆ្ងាញ់ហើយហិតអ្វីលែងដឹងក្លិន។

នៅក្នុងហេតុការណ៍ដ៏គួរឲ្យរន្ធត់សម្រាប់អ្នកដំណើរនៅក្បែរនោះ បុរសម្នាក់នេះត្រូវបានគេឃើញប្រកាច់ញ័រខ្លួននិងបែកញើសនៅក្នុងយន្តហោះហើយពិបាកដកដង្ហើមសូម្បីតែមុនពេលហោះហើរ។

អំឡុងពេលហោះហើរ ស្ថានភាពរបស់គាត់កាន់តែយ៉ាប់យ៉ឺនហើយអាកាសយានិកបានសម្រេចចិត្តធ្វើការចុះចតជាបន្ទាន់ដើម្បីឲ្យបុរសនោះទទួលការព្យាបាល។

គ្រាន់តែហោះហើរបានជាងមួយម៉ោង អ្នកដំណើរដែលកំពុងអង្គុយកៅអីលេខ 28D ស្រាប់តែឈប់ដកដង្ហើម។

នៅពេលនិយាយជាមួយក្រុមគ្រូពេទ្យសង្គ្រោះបន្ទាន់ក្នុងទីក្រុង New Orleans, ភរិយារបស់បុរសម្នាក់នោះបានសារភាពថា ប្តីរបស់នាងបានធ្វើតេស្តវិជ្ជមានវីរុសកូរ៉ូណាដែលមានន័យថា គាត់ទំនងជាកុហកនៅពេល Check-In សម្រាប់ការហោះហើរ។

អំឡុងពេល Check-In អ្នកធ្វើដំណើរទាំងអស់ត្រូវតែរាយការណ៍ដោយខ្លួនឯងថាតើពួកគេធ្លាប់មានរោគសញ្ញានៃជំងឺកូវីដដែរឬទេ។

បន្ទាប់ពីអ្នកដំណើរត្រូវបានដាក់ចុះនៅទីក្រុង New Orleans, កៅអីរបស់គាត់ត្រូវដកចេញហើយយន្ដហោះ Boeing 737-900 ដែលមានសមត្ថភាពផ្ទុកមនុស្សចំនួន១៧៩នាក់បានបន្តដំណើរទៅកាន់ទីក្រុង Los Angeles។

នៅក្នុងសេចក្តីថ្លែងការណ៍មួយទៅកាន់ DailyMail.com ក្រុមហ៊ុន United Airlines បានបញ្ជាក់ថា ខ្លួនត្រូវបានទាក់ទងដោយមជ្ឈមណ្ឌលគ្រប់គ្រងនិងបង្ការជំងឺហើយត្រូវបានគេជូនដំណឹងថា បុរសនោះពិតជាមានជំងឺកូវីដ១៩មែន៕

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ អ្នករត់ម៉ូតូផេសអាប់រអ៊ូ៖ ភ្ញៀវ​ថា​ជិះកៀកពេក ខ្លាច​ឆ្លងកូវីដ

ចុចអាន៖ កូរ៉េខាងត្បូងហាមឃាត់ការប្រមូលផ្ដុំគ្នាច្រើនជាង ៤ នាក់ នៅថ្ងៃបុណ្យណូអែល និងឆ្លងឆ្នាំ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ20 mins ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ31 mins ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ1 hour ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

ព័ត៌មានជាតិ1 hour ago

អ្នកជំនាញ​អះអាង​ថា តម្លៃ​ដំឡូង​មី​នៅ​ឆ្នាំនេះ​ខ្ពស់​ជាង​ឆ្នាំមុន

នយោបាយ1 hour ago

ផែនការ​ខ្មៅ​កខ្វក់ ៩ វិច្ឆិកា គឺជា​ផែន​ការធ្វើ​រដ្ឋប្រហារ ដែលជា​បទល្មើស​ឧក្រិដ្ឋ​ធ្ងន់ធ្ងរ !

Sokha Hotels

ព័ត៌មានពេញនិយម

Helistar Cambodia - Helicopter Charter Services