Connect with us

ព័ត៌មានអន្ដរជាតិ

ចិន​ ​បារម្ភ​ខ្លាំង ​អំពី​គោល​គំនិត​យុទ្ធសាស្ត្រ​ថ្មី ​របស់ ​ណាតូ

បានផុស

នៅ

ឯកអគ្គរដ្ឋទូតចិនប្រចាំ អង្គការសហប្រជាជាតិ (UN) លោក Zhang Jun បាននិយាយក្នុងអំឡុងកិច្ចប្រជុំក្រុមប្រឹក្សាសន្តិសុខ UN ស្តីពីវិបត្តិអ៊ុយក្រែនថា ប្រទេសចិនមានការព្រួយបារម្ភយ៉ាងខ្លាំង អំពីគោលគំនិតយុទ្ធសាស្ត្រថ្មីរបស់អង្គការណាតូ ហើយជំរុញឲ្យសម្ព័ន្ធភាពមួយនេះ ពិចារណាឡើងវិញនូវជំហររបស់ខ្លួន។

ឯកអគ្គរដ្ឋទូតចិនប្រចាំ អង្គការសហប្រជាជាតិ លោក Zhang Jun

លោក Zhang បាននិយាយកាលពីថ្ងៃអង្គារទី២៨ខែមិថុនាថា “ប្រទេសចិន យកចិត្តទុកដាក់ ខ្លាំងបំផុតចំពោះការកែសម្រួលយុទ្ធសាស្ត្ររបស់អង្គការណាតូ ហើយមានការព្រួយបារម្ភយ៉ាងខ្លាំងអំពីផលប៉ះពាល់គោលនយោបាយ នៃអ្វីដែលគេហៅថា គំនិតយុទ្ធសាស្ត្រ”។

ចិន ក៏បានជំរុញអង្គការណាតូ កុំឲ្យបង្កើតសង្រ្គាមត្រជាក់ថ្មី ឬដាក់កំហុសលើអ្នកដទៃ ដោយសារតែសកម្មភាពរបស់អង្គការនេះ នៅក្នុងប្រទេសអ៊ុយក្រែន ផងដែរ។

លោក Zhang និយាយថា “យើងជំរុញឲ្យអង្គការណាតូ រៀនមេរៀនរបស់ខ្លួន ហើយកុំឲ្យប្រើវិបត្តិនៅអ៊ុយក្រែន ជាលេសដើម្បីបង្កឲ្យមានការប្រឈមមុខដាក់គ្នាជុំវិញពិភពលោក ឬបង្កសង្រ្គាមត្រជាក់ថ្មី”។

ប្រទេសចិន ​បាន​អះអាងឲ្យមាន​ដំណោះស្រាយ​ដោយ​សន្តិវិធី​ចំពោះ​ជម្លោះ​នៅ​អ៊ុយក្រែន និង​គាំទ្រ​ការ​ចរចា​រវាង​ទីក្រុងកៀវ និង​ក្រុង​ម៉ូស្គូ៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ទីបំផុត តួកគី យល់ព្រមឲ្យ ហ្វាំងឡង់ និង ស៊ុយអែត ចូល ណាតូ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម