ខ្ទង់ចំណាយ សម្រាប់ស្តារប្រទេស ​អ៊ុយក្រែន ​ឡើង​វិញ​អាច​ឈាន​ដល់ ៧៥០ ពាន់លានដុល្លារអាមេរិក

នាយករដ្ឋមន្រ្តីអ៊ុយក្រែន លោក Denys Shmygal បាននិយាយថា ខ្ទង់ចំណាយលើការស្តារប្រទេសរបស់លោកឡើងវិញ អាចឈានដល់ ៧៥០ ពាន់លានដុល្លារសហរដ្ឋអាមេរិក ហើយរុស្ស៊ី គួរតែចេញថ្លៃចំណាយ។

ដោយលើកឡើងពីទ្រព្យសម្បត្តិរបស់រុស្ស៊ីដែល ត្រូវបង្កកមានតម្លៃប្រមាណ ៣០០ ទៅ ៥០០ ពាន់លានដុល្លារ លោកនិយាយថា “យើងជឿថា ប្រភពសំខាន់នៃការស្តារឡើងវិញ គួរតែជាទ្រព្យសម្បត្តិដែលរឹបអូសបានពីរុស្ស៊ីនិង ពីមហាសេដ្ឋីរុស្ស៊ី”។

“អាជ្ញាធររុស្ស៊ីបានបញ្ឆេះសង្រ្គាមបង្ហូរឈាមនេះ។ ពួកគេបង្កឲ្យមានការបំផ្លិចបំផ្លាញដ៏ធំនេះ ហើយពួកគេគួរតែទទួលខុសត្រូវ”។

ការកត់សម្គាល់របស់លោក បានទទួលការគាំទ្រពីសំណាក់រដ្ឋមន្ត្រីការបរទេសអង់គ្លេស លោកស្រី Liz Truss ដែលនិយាយថា រុស្ស៊ីគួរតែទទួលខុសត្រូវចំពោះការខូចខាតនេះ។

លោកស្រីបានលើកឡើងនៅក្រៅសន្និសីទមួយក្នុងទីក្រុង Lugano នៃប្រទេសស្វីសថា “យើងកំពុងសម្លឹងមើលជម្រើស សម្រាប់ការបែងចែកទ្រព្យសម្បត្តិរបស់រុស្ស៊ី”៕

ប្រែសម្រួល៖ Vann Vann

ប្រភព៖ Sky

ចុចអាន៖ វិមានក្រឹមឡាំង ព្រមានឆ្លើយតប បន្ទាប់ពី ប៊ុលហ្គារី បណ្តេញអ្នកការទូតរុស្ស៊ី ក្នុងទ្រង់ទ្រាយធំបំផុត