Connect with us

ព័ត៌មានអន្ដរជាតិ

ភាគខាងជើងប្រទេសអ៊ីតាលី ប្រកាសអាសន្ន គ្រោះរាំងស្ងួត (មានវីដេអូ)

បានផុស

នៅ

ប្រទេសអ៊ីតាលី បានប្រកាសភាពអាសន្ន នៅក្នុងតំបន់ភាគខាងជើងចំនួន៥ ជុំវិញទន្លេ Po ចំពេលមានគ្រោះរាំងស្ងួតអាក្រក់បំផុត ក្នុងរយៈពេល ៧០ ឆ្នាំ។

តំបន់ Emilia-Romagna, Friuli Venezia Giulia, Lombardy, Piedmont និង Veneto នឹងត្រូវផ្តល់ឲ្យនូវទឹកប្រាក់ចំនួន ៣៨លានដុល្លារ ជាមូលនិធិសង្គ្រោះបន្ទាន់ ដើម្បីដោះស្រាយការខ្វះខាតទឹក។

យោងតាមសហជីពកសិកម្ម Coldiretti បានឲ្យដឹងថា គ្រោះរាំងស្ងួតបានគំរាមកំហែងដល់ជាង ៣០% នៃកសិផលរបស់ប្រទេសអ៊ីតាលី ខណៈទីក្រុងជាច្រើន បានប្រកាសអំពីការបែងចែកទឹករួចទៅហើយ។

អាកាសធាតុក្តៅខុសពីធម្មតា និងកម្រិតភ្លៀងធ្លាក់តិចនៅទូទាំងរដូវរងា និងរដូវផ្ការីក បានបង្កឲ្យមានកង្វះខាតទឹកនៅភាគខាងជើងប្រទេសអ៊ីតាលី។

រដ្ឋាភិបាល​អ៊ីតាលី​​និយាយ​ថា​ “​ការប្រកាស​អាសន្ននេះ ​គឺ​មាន​គោលបំណង​គ្រប់គ្រង​ស្ថានភាពនាពេល​បច្ចុប្បន្ន​ តាម​មធ្យោបាយ​និង​អំណាចមិនធម្មតា។ នឹងមានវិធានការបន្ថែមទៀតប្រសិនបើស្ថានភាពមិនប្រសើរឡើងទេនោះ”​។

ទន្លេ Po គឺជាទន្លេវែងជាងគេបំផុតរបស់ប្រទេសអ៊ីតាលី ដែលហូរទៅភាគខាងកើត ប្រវែងជាង ៦៥០គីឡូម៉ែត្រ។

គួរបញ្ជាក់ថា កាលពីចុងសប្តាហ៍កន្លងទៅ មនុស្សយ៉ាងតិច៧នាក់បានស្លាប់ បន្ទាប់ពីរងការវាយប្រហារដោយការបាក់ផ្ទាំងថ្ម នៅតំបន់ភ្នំអាល់ ភាគខាងជើងប្រទេសអ៊ីតាលី នៅក្នុងអ្វីដែលលោកនាយរដ្ឋមន្ត្រី Mario Draghi អះអាងថា​ ជាប់ពាក់ព័ន្ធនឹងការកើនឡើងសីតុណ្ហភាព៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ អគ្គិភ័យឆាបឆេះលើ ស្រឡាងដឹកមនុស្សជិត៣០០នាក់ ចេញពី ក្រិក ទៅ អ៊ីតាលី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

រាជធានី​ភ្នំពេញ​និង​រដ្ឋធានី​វៀង​ចន្ទ ជំរុញ​ទំនាក់ទំនង​ការទូត​រវាង​ទីក្រុង​ទាំងពីរ​ឲ្យ​កាន់តែ​ល្អប្រសើរ​មួយកម្រិត​ថែមទៀត

កីឡា៣ ម៉ោង មុន

ចូល​រួម​សាទរ​ ភ្នំពេញ​​ក្រោន​ ឈ្នះ​​ជើង​ឯក​លីគ​កំពូល​​កម្ពុជា​​២០២២

ព័ត៌មានជាតិ៣ ម៉ោង មុន

បណ្តា​រាជធានី​និង​រដ្ឋធានី​អាស៊ាន​ទទួល​បាន​បទពិសោធន៍​អភិវឌ្ឍ​ទីក្រុង​ជាច្រើន ដើម្បី​ប្រែ​ក្លាយទៅជា​ទីក្រុង​ឆ្លាត​វៃ​និង​មាន​ភាព​ធន់

ព័ត៌មានជាតិ៤ ម៉ោង មុន

លោកស្រី​បណ្ឌិត អ៊ី​រ៉ា​វាទី ជិន​ដ្រា​ដេ​វី កោត​ស​សើរ​អភិបាល​រាជធានី​ភ្នំពេញ​ចំពោះ​ការរៀបចំ​វេទិកា AMF និង​កិច្ចប្រជុំ MGMAC ឆ្នាំ​២០២២ ប្រកបដោយ​ភាពជោគជ័យ

ជីវិតកម្សាន្ដ៤ ម៉ោង មុន

អាយុ ៦០ឆ្នាំហើយ ស្ដេចកំប្លែង ​ទិនហ្វី នៅតែមាំទាំ ដើរលេងដូចយុវវ័យ

Sokha Hotels

ព័ត៌មានពេញនិយម