អ្នកបាញ់ប្រហារលោក Abe បានឆែកមើល YouTube ដើម្បីផលិតកាំភ្លើង

ប្រភពស៊ើបអង្កេតបានឲ្យដឹងកាលពីថ្ងៃអាទិត្យទី១០ខែកក្កដាថា បុរសដែលបាញ់សម្លាប់អតីតនាយករដ្ឋមន្ត្រី Shinzo Abe បានឆែកមើល YouTube នៅពេលបង្កើតអាវុធ ដែលប្រើក្នុងការវាយប្រហារលើមេដឹកនាំ កាន់អំណាចយូរបំផុតរបស់ប្រទេសជប៉ុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Tetsuya Yamagami អាយុ ៤១ ឆ្នាំបាននិយាយថា គាត់បានសាកល្បងកាំភ្លើងផលិតដោយខ្លួនឯង នៅឯទីតាំងមួយកន្លែងដែលជាប់ពាក់ព័ន្ធនឹងក្រុមសាសនាដែលគាត់ស្អប់។ លោក Yamagami អះអាងថា ម្តាយរបស់គាត់បាន បរិច្ចាគប្រាក់យ៉ាងច្រើន ដល់អង្គការដែលគាត់ជឿថា មានទំនាក់ទំនងជាមួយលោក Abe។

ប៉ូលិស​ក្រុង Nara ​ជឿ​ថា​ គាត់បាន​សាក​ល្បង​អាវុធ ​មុន​ការ​វាយ​ប្រហារ​ដែល​គ្រោង​ទុក។ លោក Yamagami បានបដិសេធថា ការបាញ់ប្រហារនេះ មិនមានពាក់ព័ន្ធនឹងរឿង នយោបាយទេ។

កាំភ្លើងច្នៃជាច្រើនដើម ស្រដៀងនឹងកាំភ្លើងដែលប្រើដើម្បីសម្លាប់លោក Abe ត្រូវបានរឹបអូសពីផ្ទះរបស់ Yamagami ហើយប៉ូលិសក្រុងនិយាយថា Yamagami បានឆែកមើល YouTube ក្នុងការប៉ុនប៉ងម្តងហើយម្តងទៀតដើម្បីផលិតអាវុធ។

ប្រភព​ក៏​បាន​និយាយ​ដែរ​ថា កាំភ្លើង​ដែល Yamagami ផលិត​ដើម្បី​បាញ់​លោក Abe គឺ​ត្រូវ​បាន​រចនា​ឡើង​ ដើម្បី​បាញ់បាន៦គ្រាប់​ក្នុង​ពេល​តែ​មួយ។ ផ្សំឡើងពីបំពង់ដែកចំនួនពីរ ដោយរុំបង់ស្អិត និងប្រើប្រាស់គ្រាប់ ដាក់ក្នុងសម្បកប្លាស្ទិកតូចៗដែលបាញ់ចេញពីបំពង់ទាំងពីរ, អាវុធនេះគឺស្រដៀងទៅនឹងកាំភ្លើងស្នប់៕

ប្រែសម្រួល៖ Vann Vann

ប្រភព៖ Kyodo

ចុចអាន៖ កាលបរិច្ឆេទ រៀបចំពិធីបុណ្យសពលោក Abe ត្រូវបានប្រកាស