ព័ត៌មានអន្ដរជាតិ
រុស្ស៊ី បញ្ជាឲ្យយោធាបង្កើនប្រតិបត្តិការខ្លាំងឡើងៗនៅ អ៊ុយក្រែន (មានវីដេអូ)
រដ្ឋមន្ត្រីការពារជាតិរុស្ស៊ីលោក Sergei Shoigu បានបញ្ជាឲ្យយោធានៅអ៊ុយក្រែនបង្កើនប្រតិបត្តិការកាន់តែខ្លាំងឡើង ខណៈក្រុមអ្នកវិភាគនិយាយថា រុស្ស៊ីអាចនឹងបន្តការវាយលុកក្នុងលក្ខណៈទ្រង់ទ្រាយធំឡើងវិញក្នុងគោលបំណងដើម្បីគ្រប់គ្រងពេញលេញតំបន់ភាគខាងកើតនៃសាធារណរដ្ឋ Donetsk ។
ទន្ទឹមនោះក្រសួងការពារជាតិរុស្ស៊ីបាននិយាយកាលពីថ្ងៃសៅរ៍ថា លោក Shoigu បានចុះត្រួតពិនិត្យកងទ័ពដែលពាក់ព័ន្ធនឹងប្រតិបត្តិការនៅអ៊ុយក្រែន ហើយបានបញ្ជាឲ្យបង្កើនប្រតិបត្តិការកាន់តែខ្លាំងឡើងដើម្បីការពារការវាយប្រហាររបស់អ៊ុយក្រែនលើហេដ្ឋារចនាសម្ព័ន្ធស៊ីវិល និងអ្នករស់នៅតំបន់ Donbas ក៏ដូចជាកន្លែងផ្សេងទៀតជាដើម ។
ក្រសួងក៏បាននិយាយដែរថា ក្រោយការបញ្ជានេះហើយ កងកម្លាំងរុស្ស៊ីក៏បានធ្វើការវាយប្រហារដោយកាំជ្រួចមីស៊ីលនៅទូទាំងប្រទេសអ៊ុយក្រែន រួមទាំងប្រឆាំងនឹងសមរភូមិ Siversk ដែលជាបន្ទាយរឹងមាំក្នុងសាធារណរដ្ឋ Donetsk ដោយបណ្ដាលឲ្យទាហានអ៊ុយក្រែនជាង ៦០០ នាក់ត្រូវបានសម្លាប់ក្នុងរយៈពេល ២ ថ្ងៃកន្លងមកនេះ ។
បច្ចុប្បន្នយោធារុស្ស៊ីបាននិងកំពុងផ្តោតការយកចិត្តទុកដាក់លើការរៀបចំកងកម្លាំងរបស់ខ្លួនឡើងវិញដើម្បីត្រៀមសម្រាប់ការវាយលុកក្នុងទ្រង់ទ្រាយធំបន្ទាប់ ខណៈវាកើតឡើង បន្ទាប់ពីការប្រកាសថា កងកម្លាំងរបស់ទីក្រុងមូស្គូបានគ្រប់គ្រងតំបន់ភាគខាងកើតនៃទីក្រុង Luhansk កាលពីថ្ងៃទី៣ ខែកក្កដា ។
ដោយឡែកអ្នកនាំពាក្យយោធាអ៊ុយក្រែនក៏បាននិយាយកាលពីថ្ងៃសៅរ៍ដែរថា យោធារុស្ស៊ីកំពុងរៀបចំការវាយលុកសម្រាប់ដំណាក់កាលបន្ទាប់នៅក្នុងសង្គ្រាមអ៊ុយក្រែន ស្របពេលដែលកងកម្លាំងអ៊ុយក្រែនទំនងជាត្រៀមខ្លួនដើម្បីវាយបកដណ្ដើមយកទីក្រុងមួយចំនួនមកវិញផងដែរ ជាមួយនឹងការប្រើអាវុធដែលផ្ដល់ឲ្យលោកខាងលិចដូចជា ប្រព័ន្ធរ៉ុកកែតកាំភ្លើងធំចល័តខ្ពស់ HIMARS ជាដើម ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ សង្គ្រាមនៅ អ៊ុយក្រែន នឹងចប់ឆាប់ៗ បើ អង់គ្លេស គិតថា គ្មានលទ្ធភាពឈ្នះ រុស្ស៊ី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង