ព័ត៌មានអន្ដរជាតិ
លោក ពូទីន៖ ទណ្ឌកម្មលោកខាងលិច មិនអាចទុករុស្ស៊ី ឲ្យនៅឯកោ បានឡើយ (មានវីដេអូ)
ប្រទេសរុស្ស៊ី មិនអាចអភិវឌ្ឍតែម្នាក់ឯងក្នុងពិភពលោកបានឡើយ ប៉ុន្តែការទុករុស្ស៊ីឲ្យនៅឯកោ នឹងមិនកើតឡើងទេ ថ្វីបើមានការដាក់ទណ្ឌកម្មពីលោកខាងលិចក៏ដោយ។ នេះបើតាមសម្តី លោកប្រធានាធិបតី វ្ល៉ាឌីមៀរ ពូទីន កាលពីថ្ងៃចន្ទទី១៨ខែកក្កដា។
លោកពូទីនបាននិយាយថា “នៅក្នុងពិភពសម័យទំនើប វាមិនអាចទៅរួចនោះទេ ក្នុងការគ្រាន់តែគូសរង្វង់ជុំវិញអ្វីមួយហើយរុំព័ទ្ធវា”។
មេដឹកនាំរុស្ស៊ីរូបនេះបន្តបញ្ជាក់ថា ទីក្រុងមូស្គូនឹងមិនទាល់ច្រក ដោយសារតែកិច្ចខិតខំប្រឹងប្រែងរបស់លោកខាងលិចក្នុងការរឹតបន្តឹង ឬសូម្បីតែបិទទាំងស្រុងនូវការទទួលបាន ផលិតផលបច្ចេកវិទ្យាខ្ពស់នោះទេ។
“យើងនឹងមិនចុះចាញ់ ឬមានការភាន់ច្រឡំ នៅក្នុងលក្ខខណ្ឌនៃការអភិវឌ្ឍន៍ឡើយ។ ពិតណាស់មិនមែនទេ។ ផ្ទុយទៅវិញ ទោះទទួលស្គាល់នូវការលំបាកដ៏ធំសម្បើមដែលយើងប្រឈមមុខក៏ដោយ យើងនឹងស្វែងរកដំណោះស្រាយថ្មីៗយ៉ាងសកម្ម ប្រើប្រាស់ទុនបម្រុងបច្ចេកវិទ្យាដែលមានស្រាប់របស់យើងប្រកបដោយប្រសិទ្ធភាព និងការអភិវឌ្ឍន៍ដល់ក្រុមហ៊ុនច្នៃប្រឌិតក្នុងស្រុក”។
ជាផ្នែកមួយនៃយន្តការអនុញ្ញាតឲ្យរុស្ស៊ី យកឈ្នះលើបញ្ហាដែលបណ្តាលមកពីការដាក់ទណ្ឌកម្ម លោក ពូទីន បានចុះបញ្ជី ដាក់ដើមទុនឯកជននៅក្នុងក្រុមហ៊ុនរុស្ស៊ី និងកិច្ចខិតខំប្រឹងប្រែងបន្ថែម និងការគ្រប់គ្រងដល់គម្រោងបច្ចេកវិទ្យាខ្ពស់ៗ។
កាលពីដើមខែកក្កដា ប្រធានាធិបតីរុស្ស៊ីបានទទួលស្គាល់ថា ហានិភ័យជាច្រើនដែលបណ្តាលមកពីការដាក់ទណ្ឌកម្មនៅតែមាន ប៉ុន្តែបានគូសបញ្ជាក់ថា ការរឹតបន្តឹងរបស់លោកខាងលិច គឺជះឥទ្ធិពលដល់អ្នកដែលដាក់ទណ្ឌកម្មទៅវិញទេ។
សហរដ្ឋអាមេរិក ក៏ដូចជាបណ្តាប្រទេសនៅអឺរ៉ុបមួយចំនួន កំពុងប្រឈមមុខនឹងការហក់ឡើងនៃអតិផរណា និងតម្លៃថាមពលកើនឡើងយ៉ាងគំហុក បន្ទាប់ពីមានការដាក់ទណ្ឌកម្មប្រឆាំងនឹងរុស្ស៊ី៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Sputnik
ចុចអាន៖ EU ឯកភាពផ្តល់ជំនួយយោធា ក្នុងទំហំទឹកប្រាក់ជាង ៥០០លានដុល្លារទៀត ដល់ អ៊ុយក្រែន
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២០ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore