ក្រសួងរតនាគារសហរដ្ឋអាមេរិកកាលពីថ្ងៃអង្គារបានដាក់ទណ្ឌកម្មសង្សាររបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ដែលជាផ្នែកមួយនៃវិធានការដាក់ទណ្ឌកម្មជាបន្តបន្ទាប់លើឥស្សរជនរុស្ស៊ីចំពោះសង្រ្គាមដែលកំពុងបន្តនៅក្នុងប្រទេសអ៊ុយក្រែន ។

តាមសេចក្តីថ្លែងការណ៍របស់ក្រសួងរតនាគារបានឲ្យដឹងថា នាង Alina Maratovna Kabaeva ដែលមានទំនាក់ទំនងស្នេហាជាមួយមេដឹកនាំរុស្ស៊ី ត្រូវបានដាក់ទណ្ឌកម្ម ដោយសារមូលហេតុ នាងកំពុងជាអ្នកដឹកនាំ ឬធ្លាប់ជាអ្នកដឹកនាំមន្ត្រីប្រតិបត្តិធំៗរុស្ស៊ី ឬជាសមាជិកក្រុមប្រឹក្សាភិបាលនៃរដ្ឋាភិបាលសហព័ន្ធរុស្ស៊ី ។

សេចក្តីថ្លែងការណ៍នោះបញ្ជាក់ទៀតថា នាង Kabaeva អាយុ ៣៩ ឆ្នាំដែលមានទំនាក់ទំនងជិតស្និទ្ធជាមួយលោក ពូទីន គឺជាអតីតសមាជិកសភាជាន់ទាបរបស់រុស្ស៊ី ឬហៅថា Duma ខណៈបច្ចុប្បន្ននាងជាប្រធានក្រុមហ៊ុនប្រព័ន្ធផ្សព្វផ្សាយជាតិដែលគ្រាំទ្រដោយវិមានក្រឹមឡាំង ។

គួរបញ្ជាក់ថា កន្លងមកនាង Alina Maratovna Kabaeva ក៏ធ្លាប់ត្រូវបានដាក់ទណ្ឌកម្មដោយសហភាពអឺរ៉ុប និងចក្រភពអង់គ្លេសផងដែរពាក់ព័ន្ធនឹងសង្គ្រាមលុកលុយរបស់រុស្ស៊ីលើអ៊ុយក្រែន ចាប់តាំងពីថ្ងៃទី ២៤ ខែកុម្ភៈមក ៕

ប្រែសម្រួលដោយ ៖ ជីវ័ន្ត

ប្រភព ៖ CNN

ចុចអាន ៖ រុស្ស៊ី ត្រៀមពង្រាយមីស៊ីលល្បឿនលឿនជាងសំឡេងនៅប៉ុន្មានខែទៀត