ព័ត៌មានអន្ដរជាតិ
រុស្ស៊ី ត្រៀមពង្រាយមីស៊ីលល្បឿនលឿនជាងសំឡេងនៅប៉ុន្មានខែទៀត
ប្រធានាធិបតីរុស្ស៊ីលោក វ្ល៉ាឌីមៀ ពូទីន និយាយថា កាំជ្រួចមីស៊ីលល្បឿនលឿនជាងសំឡេង Zircon នឹងត្រូវដាក់ពង្រាយនៅលើនាវាចម្បាំងកងទ័ពជើងទឹករុស្ស៊ីនៅប៉ុន្មានខែខាងមុខនេះ ។
លោក ពូទីន បានធ្វើសេចក្តីប្រកាសនៅក្នុងពិធីប្រារព្ធទិវាកងទ័ពជើងទឹករុស្ស៊ីក្នុងទីក្រុង St. Petersburg កាលពីថ្ងៃអាទិត្យថា ចំណែកតំបន់នៃការដាក់ពង្រាយកាំជ្រួចមីស៊ីលនឹងអាស្រ័យលើស្ថានភាពជាក់ស្ដែង ។
លោកប្រធានាធិបតីបានបញ្ជាក់នៅក្នុងព្រឹត្តិការណ៍ដែលមានការចូលរួមពីនាវាចម្បាំងជាង ៤០ គ្រឿង រួមទាំងនាវាបាញ់កាំជ្រួចនាំផ្លូវ Cruise Kalibr និងនាវាមុជទឹក ក៏ដូចជាយន្តហោះ ៤២ គ្រឿង និងទាហានប្រហែល ៣,៥០០ នាក់ថា សារៈសំខាន់នៃអំណាចកងទ័ពជើងទឹករបស់រុស្ស៊ីអាចឆ្លើយតបបានយ៉ាងឆាប់រហ័សចំពោះការរំលោភលើអធិបតេយ្យភាព និងសេរីភាពលើទឹកដីរុស្ស៊ីពីសំណាក់សត្រូវខាងក្រៅ ។
លោក ពូទីន បានបន្ថែមថា កងទ័ពជើងទឹករុស្ស៊ីអាចបំពេញបេសកកម្មយុទ្ធសាស្ត្រដោយមិនខកខាននៅព្រំដែន ឬនៅផ្នែកណាមួយនៃមហាសមុទ្រជុំវិញពិភពលោក ។
ទន្ទឹមនោះការលើកឡើងរបស់លោក ពូទីន កើតឡើង ស្របពេលដែលយោធារុស្ស៊ីកំពុងបង្កើនការវាយលុករបស់ខ្លួននៅតំបន់ Donetsk ភាគខាងកើតអ៊ុយក្រែនដើម្បីស្វែងរកការគ្រប់គ្រងពេញលេញក្នុងតំបន់នោះ ។
ចំណែកវិទ្យាស្ថានសិក្សាអំពីសង្គ្រាមរបស់សហរដ្ឋអាមេរិកបានចេញផ្សាយការវិភាគមួយកាលពីថ្ងៃអាទិត្យថា កងកម្លាំងរុស្ស៊ីក៏ទំនងជាបន្ថែមប្រតិបត្តិការវាយលុកឆ្ពោះទៅកាន់ទីក្រុង Bathmat និងជុំវិញទីក្រុង Donetsk ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ អាមេរិក កំពុងភ័យអស់ប្រព័ន្ធអាវុធ HIMARS ឲ្យ អ៊ុយក្រែន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង