ព័ត៌មានអន្ដរជាតិ
ស្ងាត់ៗ ប៉ាឡេស្ទីន បាញ់រ៉ុកកែតជាង ១០០ គ្រាប់ទៅ អ៊ីស្រាអែល
ក្រុមជីហាដឥស្លាមរបស់ប៉ាឡេស្ទីនកាលពីថ្ងៃសុក្របានបាញ់រ៉ុកកែតជាង ១០០ គ្រាប់ពីតំបន់ហ្គាហ្សាស្ទ្រីបទៅកាន់ទីក្រុងនានារបស់អ៊ីស្រាអែល ជាការឆ្លើយតបទៅនឹងការធ្វើឃាតរបស់អ៊ីស្រាអែលទៅលើមេដឹកនាំកំពូលម្នាក់ ។
កងកម្លាំងប្រដាប់អាវុធរបស់ក្រុមនេះបាននិយាយថា “ដើម្បីឆ្លើយតបទៅនឹងឧក្រិដ្ឋកម្មនៃការធ្វើឃាតលោក Al-Jabari និងសមមិត្តរបស់គាត់, ក្រុម Saraya al-Quds បានទម្លាក់គ្រាប់បែក និងបាញ់មីស៊ីលជាង ១០០ គ្រាប់នៅទីក្រុង Tel Aviv និងទីក្រុងផ្សេងទៀតរបស់អ៊ីស្រាអែល” ។
ទន្ទឹមនោះកងទ័ពអ៊ីស្រាអែលក៏បាននិយាយនៅក្នុងសេចក្តីថ្លែងការណ៍មួយដែរថា ស៊ីរ៉ែនព្រមានត្រូវបានបន្លឺឡើងនៅក្នុងតំបន់ជាច្រើននៅភាគខាងត្បូង និងក្នុងទីក្រុងជាច្រើនផ្សេងទៀតនៅជិតទីក្រុង Tel Aviv ភាគកណ្តាលប្រទេសអ៊ីស្រាអែល ដោយសារតែការបាញ់គ្រាប់រ៉ុកកែរចេញពីតំបន់ហ្គាហ្សាស្ទ្រីប ។
ជាការឆ្លើយតប កងទ័ពអ៊ីស្រាអែលកាលពីថ្ងៃសុក្របានចាប់ផ្តើមការវាយប្រហារផ្លូវអាកាសលើគោលដៅរបស់ក្រុមជីហាដអ៊ីស្លាមនៅក្នុងតំបន់ Gaza Strip ដោយបានសម្លាប់ជនជាតិប៉ាឡេស្ទីន ១០ នាក់រួមទាំងក្មេងស្រីអាយុ ៥ ឆ្នាំម្នាក់ផងដែរ ។
គួរបញ្ជាក់ថា ភាពតានតឹងនាពេលបច្ចុប្បន្ននេះបានចាប់ផ្តើមកាលពីថ្ងៃចន្ទសប្តាហ៍មុន បន្ទាប់ពីអ៊ីស្រាអែលបានចាប់ខ្លួនលោក Bassam al-Saadi មេដឹកនាំចលនាជីហាដអ៊ីស្លាមនៅក្នុងជំរុំជនភៀសខ្លួន Jenin នៅភាគខាងជើងតំបន់ West Bank ខណៈកាលពីថ្ងៃអង្គារ អ៊ីស្រាអែលក៏បានប្រកាសពីវិធានការមួយប្រឆាំងនឹងតំបនហ្គាហ្សាស្ទ្រីបផងដែរ ដោយសារការភ័យខ្លាចចំពោះការឆ្លើយតបរបស់ក្រុមជីហាដអ៊ីស្លាមលើការចាប់ខ្លួនលោក al-Saadi ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង