ព័ត៌មានអន្ដរជាតិ
ក្រុមហ៊ុនអគ្គិសនី ឡាវ ប្រឈមបញ្ហាកង្វះថវិកា ព្រោះលក់តម្លៃទាបជាងថ្លៃដើម
ក្រុមហ៊ុនអគ្គិសនីឡាវនឹងបន្តប្រឈមមុខបញ្ហាខ្វះដើមទុន ពីព្រោះក្រៅពីមិនមានទំនប់វារីអគ្គិសនីដោយផ្ទាល់ខ្លួនហើយ ក្រុមហ៊ុននេះត្រូវលក់អគ្គិសនីក្នុងតម្លៃទាបជាងថ្លៃដើមទៀតផងដើម្បីផ្គត់ផ្គង់ការប្រើប្រាស់ក្នុងស្រុក ។
លោក Chan Thaboun Suk Aloun អគ្គនាយកក្រុមហ៊ុនអគ្គិសនីឡាវ (EDL) បានបញ្ជាក់នៅក្នុងសេចក្តីថ្លែងការណ៍ថា ដំណើរការអាជីវកម្មរបស់អគ្គិសនីឡាវ នឹងបន្តប្រឈមមុខនឹងបញ្ហាខ្វះដើមទុន ដោយសារតែអគ្គិសនីឡាវមិនមានទំនប់ ឬប្រភពផលិតអគ្គិសនីផ្ទាល់ខ្លួននោះទេ ដូច្នេះត្រូវទិញអគ្គិសនីពីគម្រោងផ្សេងៗដែលជាការវិនិយោគដោយឯកជនឡាវ និងក្រុមហ៊ុនបរទេស ដើម្បីបំពេញតម្រូវការប្រើប្រាស់ក្នុងស្រុក ស្របតាមគោលនយោបាយរបស់រដ្ឋាភិបាល គឺធ្វើយ៉ាងណាត្រូវគ្រប់គ្រងតម្លៃអគ្គិសនីឲ្យនៅកម្រិតដែលប៉ះពាល់តិចបំផុតតាមដែលអាចធ្វើទៅបានដល់ការរស់នៅរបស់ប្រជាពលរដ្ឋ ដូច្នេះហើយទើបធ្វើឲ្យឡាវចាំបាច់ត្រូវលក់អគ្គិសនីក្នុងតម្លៃទាបជាងថ្លៃដើមជាក់ស្តែង និងជាហេតុបណ្តាលឲ្យខ្វះដើមទុនយ៉ាងដូច្នេះ ។
លោក Chan Thaboun និយាយថា “ប្រាក់ចំណូលស្ទើរតែ ៩៩ ភាគរយបស់អគ្គិសនីឡាវបានមកពីការលក់អគ្គិសនី ។ ចំណែកការចំណាយរបស់អគ្គិសនី សង្គមយល់ថា ប្រទេសឡាវមានទំនប់ផលិតអគ្គិសនីរហូតដល់ជាង ១០០ ជាប្រភពអគ្គិសនីរបស់អាស៊ាន ហេតុអ្វីបានជាតម្លៃអគ្គិសនីលក់ថ្លៃម្លេះ? តាមពិតទៅ គឺថាអគ្គិសនីឡាវមិនមានទំនប់វារីអគ្គិសនីផ្ទាល់ខ្លួនទេនាពេលបច្ចុប្បន្ននេះ ។ យើងបានទិញអគ្គិសនីពីទំនប់ផ្សេងៗរួចលក់បន្ត ថ្លៃទិញ និងប្រាក់ចំណូលពីការលក់អគ្គិសនីមិនអាចទូទាត់គ្នាបានទេ ហើយកន្លងមករដ្ឋាភិបាលតែងតែរក្សាតម្លៃអគ្គិសនីឲ្យនៅទាប“ ។
ទន្ទឹមគ្នានេះ ក្រុមហ៊ុនអគ្គិសនីឡាវក៏ត្រូវប្រឈមមុខនឹងបញ្ហាកង្វះខាតថវិកាយ៉ាងធ្ងន់ធ្ងរផងដែរ ដែលភាគច្រើនបណ្តាលមកពីបន្ទុកបំណុលខ្ពស់ គួបផ្សំនឹងកង្វះដើមទុនពីដំណើរការអាជីវកម្មជាបន្តបន្ទាប់ ដោយសារប្រសិទ្ធភាពនៃការគ្រប់គ្រងទាប ដែលធ្វើឲ្យអគ្គិសនីឡាវមានបន្ទុកបំណុលជាង ២,០០០ លានដុល្លារនាពេលបច្ចុប្បន្ន ៕
ប្រែសម្រួលដោយ ៖ គង់ សំអាន
ប្រភព ៖ VOA Lao
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង