ព័ត៌មានអន្ដរជាតិ
អាជ្ញាធរ មីយ៉ាន់ម៉ា ចុះផ្ទាល់ដល់ផ្ទះយុវជនដើម្បីកោះហៅចូលបម្រើទ័ព
អាជ្ញាធរមីយ៉ាន់ម៉ាកំពុងកោះហៅយុវជនដែលលក្ខណៈសម្បត្តិសមស្របតាមលក្ខខណ្ឌកែនកងទ័ព ជាពិសេសអាជ្ញាធរថែមទាំងចុះត្រួតពិនិត្យទិន្នន័យនៅតាមផ្ទះសម្បែងរបស់ប្រជាជនផ្ទាល់តែម្ដងនៅគ្រប់តំបន់ទូទាំងទីក្រុងយ៉ាំងហ្គោន ។ នេះបើយោងតាមការចេញផ្សាយដោយសារព័ត៌មានថៃ MGR Online កាលពីថ្ងៃទី១៧ ខែមីនាកន្លងទៅ ។
![](https://www.kampucheathmey.com/wp-content/uploads/2024/03/Myanmar-53.jpg)
វិធានការនេះកើតមានឡើង បន្ទាប់ពីរដ្ឋាភិបាលយោធាបានអនុម័តច្បាប់ស្តីពីការកែនកងទ័ពកាលពីខែមុន ដែលតម្រូវឲ្យយុវជន-យុវនារីត្រូវចូលបម្រើក្នុងជួរកងទ័ព ក្នុងកិច្ចខិតខំប្រឹងប្រែងដើម្បីបង្កើនកងកម្លាំង បន្ទាប់ពីកងទ័ព ប្រឈមមុខនឹងការបរាជ័យក្នុងសមរភូមិប្រយុទ្ធជាមួយក្រុមប្រដាប់អាវុធជនជាតិភាគតិចដែលបានបាញ់បោះដាក់គ្នា ចាប់តាំងពីកងទ័ពបានធ្វើរដ្ឋប្រហារដណ្តើមអំណាចពីរដ្ឋាភិបាលស៊ីវិលក្នុងឆ្នាំ២០២១ ។
ម៉្យាងវិញទៀត យុវជនជាច្រើននាក់បានរត់គេចខ្លួនចេញពីទីក្រុងនានានៃប្រទេសមីយ៉ាន់ម៉ា ដោយលើកហេតុផលថា ពួកគេចង់ចាកចេញពីប្រទេសនេះ ឬទៅចូលរួមជាមួយកងកម្លាំងប្រឆាំងនឹងរបបសឹកយោធានៅតំបន់ព្រំដែនដាច់ស្រយាល ជាជាងចូលបម្រើយោធាក្នុងជួរកងទ័ព ។
បុរសម្នាក់នៅក្រុងយ៉ាំងហ្គោនអាយុ ២៨ ឆ្នាំបាននិយាយថា រូបគេនឹងមិនធ្វើតាមបញ្ជារបស់អាជ្ញាធរឡើយ ហើយក៏នឹងមិនចូលរួមបម្រើកងទ័ពនោះដែរ ។ ដំបូងឡើយរូបគេត្រូវបានអាជ្ញាធរតម្រូវឲ្យទៅផ្តល់ព័ត៌មានផ្ទាល់ខ្លួននៅការិយាល័យអាជ្ញាធរមូលដ្ឋាន ប៉ុន្តែរូបគេកំពុងព្យាយាមរត់គេចខ្លួន ។
![](https://www.kampucheathmey.com/wp-content/uploads/2024/03/Myanmar-50.jpg)
អ្នកក្រុងយ៉ាំងហ្គោនម្នាក់ទៀតបាននិយាយដោយស្នើសុំមិនឲ្យបញ្ចេញឈ្មោះ និងសំឡេងដោយសារហេតុផលសុវត្ថិភាពផ្ទាល់ខ្លួនថា អាជ្ញាធរមីយ៉ាន់ម៉ាកំពុងធ្វើការជ្រើសរើសមនុស្សពី ៣ ទៅ ៥ នាក់ពីសហគមន៍តូចៗ និងជ្រើសរើសពី ៥ ទៅ ១០ នាក់ពីសហគមន៍ធំៗ ។ សម្រាប់អ្នកដែលត្រូវបានជ្រើសរើសនឹងត្រូវចាត់ឲ្យបំពេញការងារក្នុងតំបន់របស់ខ្លួនរស់នៅ ពោលគឺពួកគេនឹងមិនត្រូវបានបញ្ជូនទៅកាន់ជួរមុខឡើយ បន្ទាប់ពីបញ្ចប់ការបណ្តុះបណ្តាល ។
គួរបញ្ជាក់ថា រដ្ឋាភិបាលយោធាមីយ៉ាន់ម៉ាបានចាប់ផ្ដើមអនុវត្តច្បាប់អនុញ្ញាតឲ្យយោធាកែនប្រុសៗទាំងអស់ដែលមានអាយុពី ១៨ ដល់ ៣៥ ឆ្នាំ និងស្រីៗដែលមានអាយុពី ១៨ ដល់ ២៧ ឆ្នាំឲ្យចូលបម្រើកងទ័ពយ៉ាងហោចណាស់រយៈពេល ២ ឆ្នាំ ដើម្បីបន្ថែមកម្លាំងកម្ចេចក្រុមឧទ្ទាមទ័ពព្រៃដែលកំពុងដណ្ដើមបានតំបន់ភាគច្រើនរបស់ប្រទេស ៕
![](https://www.kampucheathmey.com/wp-content/uploads/2024/03/Myanmar-45.jpg)
ដោយ ៖ គង់ សំអាន
ចុចអាន ៖ នាយករដ្ឋមន្ត្រីថៃ ៣ រូបជួបជុំគ្នានៅស្រុកកំណើតលោក ថាក់ស៊ីន
-
សេដ្ឋកិច្ច៦ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៧ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៤ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៦ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ១ សប្តាហ៍ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ៥ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
កីឡា១ សប្តាហ៍ ago
លោក សួង បញ្ញា ប្រកាសឈប់ពីការបង្ហាត់គុនខ្មែរ និងការងារនៅទទក