ថៃ ព្រមានទឹកជំនន់ជន់លិច ទូទាំងប្រទេស ចាប់ពីថ្ងៃសៅរ៍ ដល់សប្តាហ៍ក្រោយ

នាយកដ្ឋាន​ធារាសាស្ត្រថៃ ​បាន​ព្រមាន​ថា តាមការ​ព្យាករណ៍ ​ភ្លៀង​ធ្លាក់​ខ្លាំង​អាច​នាំឲ្យ​មាន​ជំនន់​ទឹកភ្លៀង ​ជន់​លិច​ទូទាំង​ប្រទេស​ចាប់​ពី​ថ្ងៃ​សៅរ៍​ដល់​ថ្ងៃ​ពុធ​សប្តាហ៍​ក្រោយ។

ការព្រមាន បានចេញនៅថ្ងៃព្រហស្បតិ៍ទី១៨ខែសីហានេះ ដោយលោក Thaweesak Thanadachapol អគ្គនាយករងនៃនាយកដ្ឋាន​ធារាសាស្ត្រថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានអំពីទឹកជំនន់នេះ បានផ្តោតជាពិសេសចំពោះខេត្តខាងក្រោម ដូចជា៖

– ខេត្តភាគខាងជើង Chiang Rai, Chiang Mai, Mae Hong Son, Nan, Phitsanulok, Phetchabun, Uttaradit និង Tak។

– ខេត្តភាគឦសាន Kalasin, Nakhon Phanom, Bung Kan, Sakon Nakhon, Nong Khai និង Udon Thani។

-ខេត្តភាគខាងកើត Rayong, Chanthaburi និង Trat។

-ខេត្តភាគខាងត្បូង Narathiwat, Pattani និង Yala។

ទឹកទន្លេដែលនឹងឡើងផុតច្រាំងមានដូចជា៖ Kok, Wang, Yom, Nan, Khwae Noi, Pa Sak, Chao Phraya, Loei, Chi, Mun, Bang Pakong, Prachin Buri, Trat, Chanthaburi, Sai Buri, Bang Nara និង Sungai Kolok។

នាយកដ្ឋានឧតុនិយមបាននិយាយថា ភ្លៀងនឹងថមថយទៅវិញនៅថ្ងៃព្រហស្បតិ៍ និងថ្ងៃសុក្រ ខណៈឥទ្ធិពលខ្យល់មូសុង នឹងស្ថិតនៅលើប្រទេសមីយ៉ាន់ម៉ា ឡាវ និងវៀតណាម៕

ប្រែសម្រួល៖ Vann Vann

ប្រភព៖ Bangkok Post 

ចុចអាន៖ លោក គន់ គីម៖ ខេត្តចំនួន ១៦ទទួលរងគ្រោះ​ដោយទឹកជំនន់ប៉ះពាល់ផ្ទះជិត១៦០០ខ្នង