ព័ត៌មានអន្ដរជាតិ

លោកស្រី Tsai អរគុណសមយុទ្ធចិន ដែលធ្វើឲ្យជំនាញប្រយុទ្ធរបស់កងទ័ពតៃវ៉ាន់ កាន់តែប្រសើរ (មានវីដេអូ)

បានផុស

៤ years មុន

នៅ

ថ្ងៃអង្គារ ៦ កញ្ញា ២០២២

ដោយ

លោកស្រីប្រធានាធិបតី Tsai Ing-wen បាននិយាយនៅថ្ងៃអង្គារទី៦ខែកញ្ញានេះថា ជំនាញប្រយុទ្ធរបស់យោធាកោះតៃវ៉ាន់ឥឡូវនេះ មានភាពចាស់ទុំជាងមុន ហើយខ្លួនអាចប្រយុទ្ធបានកាន់តែប្រសើរ ដោយត្រូវអរគុណទៅដល់សមយុទ្ធយោធារបស់ចិននាពេលថ្មីៗនេះ ដែលយើងតាមសង្កេតមើលម្តងហើយម្តងទៀត។

ប្រធានាធិបតីតៃវ៉ាន់ លោកស្រី Tsai Ing-wen

ប្រទេសចិន បានធ្វើសមយុទ្ធភ្លាមៗ បន្ទាប់ពីដំណើរទស្សនកិច្ចរបស់ប្រធានសភាសហរដ្ឋអាមេរិកលោកស្រី Nancy Pelosi ទៅកាន់ទីក្រុងតៃប៉ិកាលពីខែមុន ជាហេតុបង្កឲ្យមានការខឹងសម្បាយ៉ាងខ្លាំងចំពោះអ្វីដែលខ្លួនយល់ឃើញថា ជាការបង្ហាញការគាំទ្រយ៉ាងខ្លាំងរបស់សហរដ្ឋអាមេរិក ដល់កោះមួយដែលទីក្រុងប៉េកាំងអះអាងថាជាទឹកដីរបស់ខ្លួន។

ហើយចាប់តាំងពីពេលនោះមក ចិន បានបង្កើនសកម្មភាពយោធានៅជិតកោះតៃវ៉ាន់ជានិច្ច។

ថ្លែងទៅនៅឯមូលដ្ឋានទ័ពអាកាស Hualien នៅឆ្នេរសមុទ្រភាគខាងកើតកោះតៃវ៉ាន់ លោកស្រី Tsai និយាយថា ស្ថានភាពនៅជុំវិញច្រកសមុទ្រតៃវ៉ាន់ នៅតែតានតឹង ហើយការគំរាមកំហែងមិនបាត់ទៅណាឡើយ។

លោកស្រីនិយាយថា “ចំពោះមុខបញ្ហាប្រឈម យោធាជាតិរបស់យើង បានឆ្លើយតបដោយស្ងប់ស្ងាត់ចំពោះការប៉ុនប៉ងឈ្លានពានរបស់សត្រូវ និងបានការពារសន្តិសុខរបស់ប្រទេសដោយអត់ធ្មត់។ ខ្ញុំជឿថា បន្ទាប់ពីបេសកកម្មត្រៀមខ្លួនប្រយុទ្ធនេះ, ជំនាញប្រយុទ្ធរបស់យោធាជាតិយើងកាន់តែមានភាពចាស់ទុំ ហើយកម្លាំងប្រយុទ្ធរបស់ខ្លួនកាន់តែមានឥទ្ធិពល។ ខ្ញុំមានមោទកភាពខ្លាំងណាស់ ចំពោះកងកម្លាំងប្រដាប់អាវុធ”។

រដ្ឋាភិបាលជាប់ឆ្នោតតាមបែបប្រជាធិបតេយ្យរបស់តៃវ៉ាន់និយាយថា ដោយសារសាធារណរដ្ឋប្រជាមានិតចិន មិនដែលបំភ្លេចការចង់គ្រប់គ្រងកោះនេះនោះ ខ្លួនគ្មានសិទ្ធិអះអាង ឬសម្រេចអនាគតរបស់ខ្លួនបានឡើយ ប៉ុន្តែរឿងនេះអាចកំណត់បានតែដោយប្រជាជនតៃវ៉ាន់ ប៉ុណ្ណោះ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ CNA

ចុចអាន៖ ចិន បញ្ជូនយន្តហោះយោធា ៦២ គ្រឿង និងនាវាចម្បាំង ៧ គ្រឿង ទៅច្រកសមុទ្រ តៃវ៉ាន់

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត